3 Yohanes 1:1 - En Taar Weru a nunuwu' é Tontemboan

¹ En surat anio' a yaku owo penatua an jamaat. En surat anio' aipaticku ai co é poowku Gayus si uli-ulit icaupusku.

3 Yohanes 1:1 ပူးပေါင်းရင်းမြစ်များ

Kisah Para Rasul 11:30

Kumawusai séra sumuun roit, wo ru'du' éra si Barnabas wo si Saulus e maali in doit itu a sé penatua an Yudea.

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 20:4

Awéan piraan tou en cumiit a si Paulus, séra itu si Sopater toyaang i Pirus tou im Berea, si Aristarkus wo si Sekundus tou Tesalonika, si Gayus tou in Derbe, si Timotius, sé rua tou an Asia owo, si Tikhikus wo si Trofimus.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [

1 Korintus 1:14

Yaku kumua i makapulu'sama' a si Amang Kasuruan, ampa'paan an uner iow ra'ica wana tou sé nibaptisku, aluar i Krispus wo si Gayus.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

1 Yohanes 3:18

Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.

3 Yohanes 1:2

Poowku Gayus si caupusku, isombayangku wosama' ko sama-sama' am baya-waya, puté imu'kurmu loo-loor ka'i.