2 Yohanes 1:8 - En Taar Weru a nunuwu' é Tontemboan

⁸ Téiran iow sumama-sama' em paémanen si aisusuio ami wosama' ra'ica icatala. Wo in taniitu ro'na kéréan iow waya en laasa miow.

2 Yohanes 1:8 ပူးပေါင်းရင်းမြစ်များ

Matius 24:4

Icua i Yesus ai séra, “Matéi-téiro mangé kamu, wosama' kamu ra'ica isélé'kow é tou.

Markus 13:23

Anaé, matéi-téiro mangé kamu! Pakasa en anio' aicua-Kuo ai camu.”

Markus 13:9

Anaé, matéi-téiro mangé kamu! Ampa'paan kamu tangkaan oka é tou wo isarakan éra an sidang agama wo pangkuren éra am balé paapo'an é agama Yahudi. Iwali éra kamu an dior i gubernur wo a sé kolano ampa'paan kamu makiit Yaku. Asi témpo ituo kamu ro'na kumua a sé tou keli andumoro' in Abar Kaaruien.

Lukas 19:19

Wo icua i tuang itu a si ata itu, ‘Sa taniitu wéanku ko kawasa e merénta lima kota.’

Lukas 21:8

Isowat i Yesus, “Matéi-téiro mangé kamu, wosama' kamu ra'- ica sélé'kow é tou. Ampa'paan kelian sé tou e maai sa wo mangaku sapaoka séra itu Yaku. Icua éra in tana'i, ‘Yakuo si Kristus!’ Wo icua éra ka'i, ‘En endo kaka'puan ing kayo'baan makatawio!’ Taan tioo percayan iow séra.

Yohanes 4:36

Sé tou mengaupu' mato'tolo tumerima in laasana. Séra maumung im bua'na, siituo sé tou sé maémano wo makéré ing katouan akar ing kauré-uré. Anaé, sé tou muras wo sé maupu' mewali-wali maarui.

1 Korintus 15:8

Wo ang kasomoianna si Kristus mai mapaturu' a yaku. Yaku anio' mamuali ruru'du'an-Na kaputé i toyaang itumou ra'ipé' an orasna.

1 Korintus 3:14

Sa en tinawoi i esa tou makatang tunun in api, sia makéré oka laasa.

1 Korintus 3:8

Si tou musew wo si numaam, em paawo- awon éra meputé. Séra wéan oka i Amang Kasuruan laasa kumiit in tinawoi éra esa wo si esa.

Galatia 3:4

Ra'ica réén wana en torona waya eng kamang sé tinerimao miow kekawus iow maéman a si Kristus? Yaku wutu-wutul mercaya sapaoka pakasa en itu ra'ica ra'i-ra'i taan tantu awéan en toronana ai camu.

Galatia 4:11

En icaindé'ku oréoka pakasa sé pinakepé-kepéanku mai mengakua in andumoro' i Yesus ai camu mara'i-ra'ike'.

Filipi 3:16

Em penting keli kita menonou kiit asé sapa sé kinéréantao akar intarépé'.

Ibrani 10:32

Taan ta'néieno mangé si oras ilumangkoio, an tutuw kataré-taré en até miow tinélangai in sendot i Amang Kasuruan e makatuus asi Kristus. An tutuw itu kamu meta'up ing keli kawenduan taan kamu makawoo tumang am paémanen iow.

Ibrani 10:35

Ampa'paan in itu, tioo ipaweka-wekar em paémanen iow a si Kristus, ampa'paan kéréan oka miow en laasa wangko' asi Amang Kasuruan.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Wahyu 3:11

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.