2 Yohanes 1:6 - En Taar Weru a nunuwu' é Tontemboan

⁶ Wo asi kataré-taré liningao miow em perénta i Amang Kasuruan sapaoka kita musti menonou meupu-upusan. Sa kita menonou meupu-upusan, niéma'tao em perénta-perénta-Na itu.

2 Yohanes 1:6 ပူးပေါင်းရင်းမြစ်များ

Yohanes 14:15

Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

Yohanes 14:21

Si séike' en tumerima im peré-perénta-Ku wo pengaémaanna, sia itu mengaupus Yaku. Si séike' si mengaupus Yaku, sia itu icaupus oka i Amang-Ku, wo sia ka'i icaupus-Ku oka. Wo ituru'-Ku oka ai sia si séi Aku.”

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 15:10

Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Yohanes 15:14

Kamu itu kara-karapi-Ku, sa émaan iow sapa sé aiperénta-Ku ai camu.

1 Yohanes 2:24

Anaé, sapa sé pinalingao miow tumo'tolke' mai asi kataré an tutuw kamu maémano, en itu musti yéma' miow sumama-sama' an até miow. Wo in taniitu kamu kasake' menonou meesa ang karapi i Toyaang wo ka'i si Amang.

1 Yohanes 2:5

Taan si tou makiit in taar-Na, sia itu uli-ulit mengaupus si Casuruan. Wo ang karapi in tuus itu kailekanta sapaoka kita menonouo esa wo si Casuruan.

1 Yohanes 2:7

Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

1 Yohanes 5:15

Wo sa kailekanta sapaoka pinalinga-Nao em pinangilekta, émanenta ka'i sapaoka pakasa sé pinangilekta kinéréantao.

1 Yohanes 5:3

Anaé, sa kita mengaupus si Amang Kasuruan, tantu émaanta em perénta-perénta-Na. Em perénta-perénta-Na itu sa émaanta ra'ica uter.

2 Yohanes 1:5

Wo intarépé' pangilekenku a si inang wosama' icita im baya meupu-upusan. Em pinangilekku anio' ra'ica perénta weru, taan perénta anio' ai citao tumo'tolai asi kataré-taré an tutuw kita werupé' maéman.