2 Yohanes 1:1 - En Taar Weru a nunuwu' é Tontemboan

¹ En surat anio' a yaku owo si penatua an jamaat. Ipaticku en surat anio' a si inang si sinisir i Amang Kasuruan, wo ka'i a sé toyaang i inang sé icaupusku kumiit in sususuien wutul i Amang Kasuruan. Wo ra'ica yakuke' e mengaupus icamu, taan pakasa in tou sé makailek in sususuien wutul mengaupus camu.

2 Yohanes 1:1 ပူးပေါင်းရင်းမြစ်များ

Lukas 1:3

Pakasa sé kamamualian itu tini'tiro sumama-sama' tumo'tolai asi kataré. Kekawus in itu werotenku waya en itu loor ipatic kumiit wutul ing kamamualian itu torona i tuang,

Yohanes 8:32

wo kakailekan oka miow en sususuien wutul, wo en sususuien wutul itu e iméma' icamu anio' ra'io ka'i ang kakawasaan tanu ata.”

Kisah Para Rasul 11:30

Kumawusai séra sumuun roit, wo ru'du' éra si Barnabas wo si Saulus e maali in doit itu a sé penatua an Yudea.

Roma 16:13

Icuao ka'i mangé en siri'ku a si Rufus. Sia tou si sinisir ampa'paan im paémanenna a si Apo' Yesus. Wo icuao ka'i mangé en siri'ku a si inangna si nianggapkuo inangku in esa.

Galatia 2:14

An tutuwku suméré im peri éra itu ra'io mensomaan wo in sususuien in Abar Kaaruien andumoro' i Yesus Kristus wo an dior é tou keli cuaku a si Kefas, “Ico tou Yahudi, taan ko menonou kaputé é tou ra'ica Yahudi wo ra'ica menonou tanu tou Yahudi. Sa taniitu, kéitu réén ko masalé' lumesé' sé tou ra'ica Yahudi menonou kaputé é tou Yahudi?”

Galatia 2:5

Taan ra'ica kiniitan ami eng kasalé'an éra en andumoro' in sunat mandé makasake'. Ampa'paan icasalé' ami timboien sumama-sama' en sususuien wutul asi Abar Kaaruien andumoro' i Kristus, akar kamu an jamaat Galatia kasake' mercaya sapa sé aisusuio ami. Anaé, kamu sé maémano a si Yesus ra'io sangali kumiit in sususuien andumoro' in sunat.

Galatia 3:1

Éi tou Galatia sé bodok! Si séi réén e muwak icamu? Ra'ica réén aisisilkuo ai camu indior ang karapi i makakii-kiit andumoro' i Yesus Kristus si aisalipo?

Galatia 5:7

Indior kamu le'tek makiit in sususuien wutul in andumoro' i Kristus. Taan intarépé' si séi réén sé makala-kala' icamu akar ra'io ka'i makiit in sususuien wutul?

Kolose 1:5

Kamu maéman wo mengaupus taniitu ampa'paan kamu maarap wo mengento-ngento' sapa sé aitu'tu'o i Amang Kasuruan torona miow an sorga. Em paarapen itu liningao miow an tutuw in sususuien wutul ipakua-kuao ai camu. Siituo en Abar Kaaruien andumoro' i Yesus Kristus.

1 Timotius 2:4

wo icasalé'-Na ka'i wosama' pakasa in tou malowir wo makailek in sususuien wutul.

Ibrani 10:26

Ampa'paan sa kita makaileko in sususuien wutul asi Amang Kasuruan wo kita metutu'ke' taré mengéma-ngéma' ing kamesé-meséaan, ra'io wana ka'i raragés binatang pinokol em patu'bus ing kamesé-meséaan,

1 Petrus 1:2

Icamu sinisir i Amang Kasuruan, Amangta, tumo'tolke' mai indior kumiit im pawasa-wasan-Na. Wo kamu niéma' i Roh Le'nas mamuali le'nas wosama' kamu le'tek maéma' ing kasalé'an i Yesus Kristus wo eng kamesé-meséaan iow ka'i weresin-Na ang karapi in enda'-Na. Pekiupusenku a si Amang Kasuruan wosama' émaan-Na mai eng katouan iow elu-elur wo méé mai ing kamang si kumeli-keli ai camu.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

1 Petrus 5:13

Sé jamaat am Babel iméé mai in siri' ai camu. Séra sinisiro i Amang Kasuruan meputé ka'i kamu sinisir-Na. Taniitu ka'i si Markus si nianggapkuo toyaangku, sia méé mai in siri' ai camu.

1 Yohanes 2:21

Aipaticku en anio' ai camu, ra'ica ampa'paan kamu ra'ica makailek in sususuien wutul itu, taan ampa'paan kailekan iow en sususuien wutul itu wo ka'i kailekan iow sapaoka ra'ica wana en towo asi sususuien wutul itu.

1 Yohanes 3:18

Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.

2 Yohanes 1:13

Toya-toyaang i poow wéwéné i inang sé sinisir i Amang Kasuruan am bia'i, séra méé ka'i mai in siri' a si inang.

2 Yohanes 1:5

Wo intarépé' pangilekenku a si inang wosama' icita im baya meupu-upusan. Em pinangilekku anio' ra'ica perénta weru, taan perénta anio' ai citao tumo'tolai asi kataré-taré an tutuw kita werupé' maéman.

3 Yohanes 1:1

En surat anio' a yaku owo penatua an jamaat. En surat anio' aipaticku ai co é poowku Gayus si uli-ulit icaupusku.