2 Timotius 4:8 - En Taar Weru a nunuwu' é Tontemboan

⁸ Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

2 Timotius 4:8 ပူးပေါင်းရင်းမြစ်များ

Matius 24:36

“Ra'ica wana tou e makailek in endo wo in jam si Toyaang i Tou maai sumawel. Sé malaékat an sorga ra'ica makailek, si Toyaang i Tou ka'i ra'ica makailek, wayake' si Amang in esa e makailek.

Matius 7:22

Asi endo kaka'puan ing kayo'baan, keli oka tou e matowa Yaku, ‘Kasuruan, Kasuruan, ra'ica réén ipakua ami en taar i Amang Kasuruan mapaké i ngaran-Mu, wo mausér sé sétang mapaké i ngaran-Mu, wo maéma' keli kakaya'kaan mapaké ka'i i ngaran-Mu?’

Lukas 10:12

Icua-Ku ai camu, asi endo kaka'puan ing kayo'baan sa, en ukuman é tou asi kota anio' en lébé uterai wo en ukuman é tou ang kota Sodom indior.”

Roma 2:5

Taan kamu anio' keté ngaas wo ra'ica kiim mape'dis. Ampa'paano in itu, icamuo in esa e méma' in ukuman iow makaute-uter asi endo kaka'puan ing kayo'baan sa. Asi endo itu oka si Amang Kasuruan tumuru' ing kae'bowan-Na wo mukum waya sé tou ang karapi in da'ica mengarapit.

Roma 8:23

Wo ra'ica sé niéma' i Amang Kasuruan ituke' sé mangimbulu, icita in esa ka'i mangimbulu an untep in atéta. En ulitna kita sé tumerimao i Roh Le'nas si wéwéé kataré-taré i Amang Kasuruan. Taan intarépé' kita mangento-ngento'pé' in oras i Amang Kasuruan imekar icita ang kawasa ing kamesé-meséaan wo ing kawenduan wo mai mangkai icita mamuali toya-toyaang-Na.

1 Korintus 2:9

Ang Kitap Le'nas awéan aipatic in tana'i, “Sapa sé ra'ipé' sumangkum ako sinéré é tou, sé ra'ipé' sumangkum ako lininga, sé ra'ipé' sumangkum ako lumembo mai an até, siituo en tinu'tul i Amang Kasuruan a sé tou mengaupus Sia.”

1 Korintus 3:13

En tawoien é tou si esa wo si esa kaséréan oka an tutuw i Kristus maai sumawel. Ampa'paan asi endo itu, api oka e méma' in tinawoi é tou si esa wo si esa kaséré-séréan. En api oka e muji wo en tumuru' sé tinawoi éra itu loor kuma'pa ra'ica.

1 Korintus 9:25

Susur in tou sé kumiit mekowa' musti tumang in owak am baya-waya. Sia méma' tanu siitu ampa'paan sia masalé' makéré mahkota si rior maweles. Taan kita anio' talesen matang in owak am baya-waya ampa'paan kita masalé' makéré mahkota si ra'ica maweles akar ing kauré-uré.

2 Korintus 5:2

An tutuw icita makaento' asi ténda anio', icita mangimbulu wo icasalé'ta keli e mangé mento am balé an sorga.

Filipi 3:11

wosama' ang kasiwakana aku ro'na touen sumawel an uner é tou imatéo.

Kolose 1:5

Kamu maéman wo mengaupus taniitu ampa'paan kamu maarap wo mengento-ngento' sapa sé aitu'tu'o i Amang Kasuruan torona miow an sorga. Em paarapen itu liningao miow an tutuw in sususuien wutul ipakua-kuao ai camu. Siituo en Abar Kaaruien andumoro' i Yesus Kristus.

1 Tesalonika 1:10

Pengasisil éra ka'i en andumoro' tambisa kamu mengento-ngento' si Toyaang i Amang Kasuruan maai a mangé en sorga owo. Siao si Yesus, si tinou-Na sumawel am papaté. Si Yesus itu ka'i en lumowir icita sé maéman ai Sia an ukuman i Amang Kasuruan sa.

1 Tesalonika 5:4

Taan é poo-poow, kamu ra'ica menonou ang kariréimbengan. Ampa'paan in ituo, an oras i Apo' Yesus i maai tanuoka si rombit, kamu ra'ica mangaya'ka'.

2 Tesalonika 2:8

An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

1 Timotius 6:19

Sa séra méma' in taniitu, séra awéano esa patuuran keter an sorga, wo in taniitu ampa'paano im patuuran itu, séra ro'na makéré ing katouan si makakii-kiit mewali-wali wo si Casuruan sa.

2 Timotius 1:10

Wo intarépé' aituru'-Nao eng kaupusan-Na ai cita wo en lalanna, iwéé-Na mai ai cita si Yesus Kristus, si Lumolowirta. Sa si tou maéman in Abar Kaaruien andumoro' si Yesus Kristus, em papaté ra'ica kumawasa si tou itu taan makéré oka ing katouan akar ing kauré-uré.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

2 Timotius 1:18

Kailekanmu wutul ka'i sapaoka sia tatap mengatawang yaku an Efesus. Ampa'paan in ituo pekiupusenku a si Casuruan wosama' asi endo kaka'puan ing kayo'baan si endo i Casuruan makim sé tou, iwéé-Na mai eng kaupusan-Na a si Onesiforus.

2 Timotius 2:5

Sa si tou kumiit i mekowa', sia musti kumiit in atoran-atoran im pekowaan itu wosama' muntung.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

Ibrani 12:11

Wutul, an tutuw kita tinepian, en atéta ra'ica mendam in arui asaloke' mendam in susa. Taan an tutuw in tinepian in taniitu kita maroba oka, akar em perita maloor wo eng katouanta maelur.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

Yakobus 1:12

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

1 Petrus 1:4

Kita maarap makéré oka bagéan si aitu'tulo i Amang Kasuruan a sé tou-Na. Em bagéan ituo sé kamang ipakaéma' i Amang Kasuruan a mangé en sorga. Wo sé kamang itu ra'ica mengaléwo', ra'ica mengawuruk wo ra'ica mawalina.

1 Petrus 5:4

Wo an tutuw i Yesus si Gembala Wangko' imayo sumawel, kamu makéré oka mahkota a rarayo wo in sisiri' ai Sia. Siituo e mahkota si ra'ica materi.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Wahyu 19:11

Kekawus in itu sérénku en sorga makawuka', wo kaséréanku esa kawayo kulo'. An licurna awéan Tou e makalukut, ngaran-Na ‘Si Le'tek wo Si Wutul.’ Sia ra'ica marapit an tutuw i makim wo merang.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 4:4

Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas.