2 Timotius 4:7 - En Taar Weru a nunuwu' é Tontemboan

⁷ Niéma'kuo en tawoienku ang karapi in sama' akar i malekep, kaputé wo si tou repet em pakatéron kumiit mekowa' tuméron akar in sumiwak. Wo aku kasake' le'tek maéman a si Casuruan.

2 Timotius 4:7 ပူးပေါင်းရင်းမြစ်များ

Lukas 11:28

Taan isowat i Yesus, “Sé pakakamangen, sé tou luminga in Taar i Amang Kasuruan wo pengaémaanna.”

Lukas 8:15

Wo en lulumbo irumongkor an tana' kemel itu, ayandé sé tou ilumingao in Taar i Amang Kasuruan wo en Taar itu wutu-wutul ayéma' éra an untep in até akar séra méé wua'na ing kale'tekkan.”

Yohanes 17:6

Aipapatuus-Kuo si Amang a sé tou si aisarakan-Muo a Yaku ang kayo'baan anio'. Séra itu anu i Amang wo séra aisarakano i Amang a Yaku. Wo intarépé' séra le'tek mengaéma' in taar-Mu si aicua-Ku.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Kisah Para Rasul 13:25

An tutuw en tawoien i Yohanes tawio malekep wo icuana, ‘Sa ciit icamu, si séi réén aku anio'? Ra'ica yaku si Tou si paento-entoon iow. Taan, sérén oka miow! Kekawus yaku, maai oka esa Tou. E muka'ke' in tali in sapatu-Na, yaku ra'ica patus.’

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Galatia 2:2

Yaku mangé an Yerusalem ampa'paan si Amang Kasuruan icumuao a yaku e musti maangé. Wo an tutuwku a mangé mbitu, yaku meta'up wuntulke' a sé tou sé nianggap pasiriin an jamaat. Wo ipepaarku a sé kikiiten an jamaat itu en Abar Kaaruien andumoro' i Yesus Kristus sé ipakua-kuakuo a sé tou ra'ica Yahudi, wosama' kakailekan é kikiiten sapaoka en tawoienku wutu-wutul mééo im buéna. Wo in taniitu em paraméjianku mengakua in Abar Kaaruien itu a sé tou ra'ica Yahudi indior wo intarépé' ra'ica mara'i-ra'i.

Filipi 1:30

Wo eng kawenduan sé ang karoro'an im pamendamen iow meputé wo ing kawenduan si pinendamkuo mai, tanu sé sinéréo miow a yaku indior. Wo liningao miow in esa ka'i sapaoka aku mawendupé' akar intarépé'.

1 Timotius 1:18

Toyaangku Timotius! En tawoien anio' iwééku ai co tanu si ainuwu' i Amang Kasuruan a sé jamaat andumoro' ico, wosama' ko ang karapi i nunuwu' itu raméjinmu am paraméjian loor ang karapi i maéman wo in até weresi.

1 Timotius 6:12

Ico tinowao i Amang Kasuruan e makéré ing katouan akar ing kauré-uré wo an tutuw itu ko mangaku i mauli-ulit an dior é tou keli sapaoka ko maéman a si Yesus Kristus. Ampa'paano in itu musti timboienmu sumama-sama' eng katouan akar ing kauré-uré si kinéréanmuo itu, tanu sé tou mekowa' rumaméji makéré im piala.

1 Timotius 6:20

Timotius, musti téiranmu sumama-sama' waya sé aitoké i Casuruan ai co. Ra'ica toro kumiit memaa-maar sé ra'ica wana torona sé ra'- ica masiri' si Amang Kasuruan, wo ka'i tioo kumiit meindo-indoan roma' in andumoro' sé pakua é tou “kapinteran”, en ulitna siitu ra'ica kapinteran taan asalo meindo-indoan roma' andumoro' i nunuwu'.

2 Timotius 1:14

Ico tinokéan in tawoien anio' puté wo si Casuruan tumoké in esa kasiyaan sosor ulit em bééna. Anaé, téiranmu sumama-sama' en itu. Wo e Roh Le'nas an atéta tumawang oka en tuméir ing kasiyaan itu.

2 Timotius 3:10

Taan ko é Timotius, makaileko sé aisusuiku, em periku, em pendirianku, tambisa aku maéman a si Yesus, eng katalesenanku, en upusku a sé tou wo eng kale'tekanku mengaéma' in tawoienku.

Wahyu 3:10

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.

Wahyu 3:8

Kailekan-Ku waya e niéma' miow. Winukaan-Kuo em papalen torona miow wo ra'ica wana e ro'na malen. Kailekan-Ku ka'i sapaoka eng kaketeran iow wayake' im pira, taan kiniitano miow en sususuien-Ku wo ra'ica sumangkal i ngaran-Ku.

Wahyu 6:11

Wo sé mu'kur itu winéan mekélé esa karai lambot kulo' wo séra kinuanan i mento'pé' toyo' ka'i akar eng kakeli éra malekep. Ampa'paan awéané' sé kara-karapi éra maselewir wo sé poo-poow éra esa paémanen sé patén oka tanu iséra.