2 Timotius 4:5 - En Taar Weru a nunuwu' é Tontemboan

⁵ Taan ko é Timotius, kawasanmu mangé en owakmu mandé sapake' e mamuali. Malese-leseno mangé masaru ing kawenduan, émaano mangé melala'us en tawoien mengakua in Abar Kaaruien andumoro' i Yesus Kristus wo émaan sumama-sama' en tawoien si aiwéé i Casuruan ai co.

2 Timotius 4:5 ပူးပေါင်းရင်းမြစ်များ

Matius 25:16

Si ata tinokéan in lima talenta makala'us mangé e mangkér, wo en untungna lima talenta.

Markus 13:34

En oras itu tanu si esa tou tumela'u im baléna ampa'paan mangé an tampa tayang. Ra'ipé' mangé sia, tinokéannao sé atana e murus im balé wo ka'i icuana en tawoien éra si esa wo si esa. Iru'du'na si matéir im balé wosama' matéi-téir akar sia maréngai.

Markus 13:37

Sapa en aicua-Ku ai camu, aicua-Ku ka'i a sé pakasa in tou, ‘Matéi-téiro mangé!’ ”

Lukas 12:37

Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen.

Kisah Para Rasul 21:8

Mando mai, itela'u ami em Ptolemais wo suméngkot angé ka'i ang Kaisarea. Am bitu kami mento' am balé i Filipus si mengakua in Abar Kaaruien andumoro' i Yesus Kristus. Si Filipus itu esaan asé pitu tou sé kinasisiran an Yerusalem en sumelewir a sé balu lengéi.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

Efesus 4:11

Wo Siao en tumambérai ing kamang a sé tou. Awéan tou sé aitantu-Na mamuali ruru'du'an, mamuali nabi, mamuali tou mengakua in Abar Kaaruien andumoro' i Yesus Kristus, mamuali gembala é jamaat wo ka'i guru.

Efesus 4:12

Sé kamang itu aiwéé i Kristus wosama' sé tou le'nas makawoo mengaéma' in tawoien torona i Amang Kasuruan, wo tanu in owak i Kristus, kita ro'na makaketer am paémanen,

Kolose 1:25

Yaku imamualio tou si mengaselewir sé jamaat itu ampa'paan aku tinokéan i Amang Kasuruan in tawoien eng kumua im pakasa in Taar-Na ai camu.

Kolose 4:17

Wo icuao mangé a si Arkhipus, “Tawoieno mangé en tawoien si aiwéé mai i Casuruan ai co akar ing kumawus.”

1 Tesalonika 5:6

Ampa'paan in ituo, kita ra'ica toro asalo meneke-nekel meputé wo sé tou walina, taan matéi-téiro mangé wo kawasan angé sumama-sama' en owak.

1 Timotius 4:12

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

1 Timotius 4:15

Émaanmuo mangé mauli-ulit pakasa sé aicuaku. Wo in taniitu kaséréan é tou ko awéan kalébéan maurus sé jamaat.

2 Timotius 1:8

Anaé, ico ra'ica toro malawi' masairi in andumoro' i Apo'ta Yesus. Ico ka'i ra'ica toro malawi' mangaku sa aku karapimu ampa'paan aku intarépé' am bui. Yaku am bui ampa'paan maselewir a si Yesus Kristus. Ico ka'i musti sumangkum in okoi tanu yaku ampa'paan mengakua in Abar Kaaruien andumoro' i Yesus Kristus. An tutuw ko sumangkum in okoi, tantu si Amang Kasuruan méé mai kaketeran ai co.

2 Timotius 2:10

Ampa'paan in iituo aku talesen mengawuléng ing kawenduan itu wosama' sé tou sinisiro i Amang Kasuruan ro'na maéman a si Kristus Yesus wo makéré ing kalowiran ang karapi i rarayo wo in sisiri' akar ing kauré-uré.

2 Timotius 2:3

Sa en tawoienmu niéma'muo waya wo ko masusa, ico musti malese-lesen wo le'tek tanu si suraro loor i Kristus Yesus.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

Wahyu 3:2

Menonouo mangé sumawel maéman a Yaku wo keteren sumawel em paémanen iow si matawio maté, ampa'paan kailekan-Ku ra'ipé' wana en lekep mandé esake' en tinawoi miow an dior i Amang Kasuruan.