2 Timotius 4:3 - En Taar Weru a nunuwu' é Tontemboan

³ Émaanmu waya en itu, ampa'paan asi esa endo mengangai sa, sé tou ra'io kiim luminga in sususuien wutul itu. Taan taré towan éra sé guru sé icasalé' éra e marui in até éra ang karapi i nunuwuun manam pengalingan.

2 Timotius 4:3 ပူးပေါင်းရင်းမြစ်များ

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Lukas 6:26

Icawangkuro mio' kamu sa pakasa sé tou marayo icamu, ampa'paan tanu siitu ka'i e niéma' é apo-apo' éra indior, marayo sé nabi ra'ica wutul.”

Yohanes 8:45

Taan Aku mengakua in sususuien wutul ai camu, ampa'paan in itu Aku ra'ica papercayan iow.

Kisah Para Rasul 17:21

Pangileken éra in taniitu, ampa'paan pakasa en tou ang kota Atena wo sé tou imanangkéi sé maento' am bitu, séra itu tanu ra'ica wana témpo e méma' sé walina, séra asaloke' kuma'pu in témpo eng kumua kuma'pa luminga in andumoro' sé weru.

1 Korintus 2:1

Poo-poowku, indior an tutuwku imai ai camu, ipakuaku andumoro' sé pawasa-wasan i Amang Kasuruan si ra'ipé' kailekan é tou walina. Asi témpo itu, sé pakuaku itu ra'ica mapaké nunuwu' rangka' kuma'pa nunuwu' ing kapinteran in tou.

1 Korintus 2:4

An tutuw aku maroma' wo makua in Abar Kaaruien ai camu, yaku ra'ica mapaké nunuwu' ing kapinteran in tou im percayan iow, taan aku mapercaya a si kawasa i Roh Le'nas.

Galatia 4:16

Taan kéitu réén intarépé' nianggap iow aku tanu kaséké' miow? Ampa'paano réén aku icumuao in sususuien wutul andumoro' i Kristus ai camu?

1 Timotius 1:10

torona ka'i é tou mengacabul, sé tuama mengacabul a sé kakéléna tuama, sé mapu'is in tou en wangkér émaan ata, sé kotowo, sé tou mengasairi in towo wo ka'i sé tou makélong in sususuien wutul.

2 Timotius 1:13

Anaé, kiiteno mangé en sususuien si liningamuo a yaku. En sususuien itu ulit wo ro'na mamuali andéan ai co en sumusui sé tou walina. Ico musti maéman a si Kristus Yesus wo mengaupus pakasa in tou, en itu tumuru'o sapaoka ko meesa wo si Kristus Yesus.

Yudas 1:18

Aicua éra, “Sa maayo en endo kaka'puan ing kayo'baan, mapaturu' oka mai sé tou koséro'. Séra itu menonou makiitke' ing kasalé'an in owak éra sé ra'ica loor.”