2 Timotius 4:20 - En Taar Weru a nunuwu' é Tontemboan

²⁰ Si Erastus makaento'pé' ang Korintus. Wo si Trofimus aitela'ukupé' a Miletus ampa'paan sia sumakit.

2 Timotius 4:20 ပူးပေါင်းရင်းမြစ်များ

Kisah Para Rasul 18:1

Kekawus in itu, si Paulus tumela'u in Atena wo mangé ang Korintus.

Kisah Para Rasul 18:8

Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.

Kisah Para Rasul 19:22

Wo iru'du'na si Timotius wo si Erastus, sé rua kara-karapina matawoi wosama' rumior mangé a Makedonia, taan si Paulus in esa mento' uré-uréan toyo' an Asia.

Kisah Para Rasul 20:15

A Metilene, kami lumala'us suméngkot wo mando mai eng kapal ami makasaruo im pulou Khios. Ang kandoan kami icateka'o am pulou Samos wo an endo kumiitai itu kami icateka' ang kota Miletus.

Kisah Para Rasul 20:17

Anaé, an tutuw i Paulus a Miletus, sia rumu'du' tou mangé tumowa sé penatua é jamaat an Efesus wosama' mai a Miletus.

Kisah Para Rasul 20:4

Awéan piraan tou en cumiit a si Paulus, séra itu si Sopater toyaang i Pirus tou im Berea, si Aristarkus wo si Sekundus tou Tesalonika, si Gayus tou in Derbe, si Timotius, sé rua tou an Asia owo, si Tikhikus wo si Trofimus.

Kisah Para Rasul 21:29

Séra kumua in taniitu ampa'paan séra sumangkumo suméré si Trofimus si tou Efesus mewali-wali wo si Paulus an Yerusalem. Wo paweroten éra si Trofimus aiwali mai i Paulus e muntep am Balé Le'nas.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [