2 Timotius 4:13 - En Taar Weru a nunuwu' é Tontemboan

¹³ Sa ko maayo am bia'i, oréoka ipelupamu e maalimai in jubaku si aitela'uku am balé i Karpus ang kota Troas wosama' aku ra'ica kautingan. Paalinai ka'i eng kitap-kitapku, lébé-lébépé' ka'i eng kitap si niéma' ang kulit é binatang owo.

2 Timotius 4:13 ပူးပေါင်းရင်းမြစ်များ

Matius 5:40

Wo sa awéan tou tumuntut icamu am pangadilan ampa'paan casalé'na eng karai iow, iwééo mio' ka'i en juba miow ai sia.

Kisah Para Rasul 16:11

Kami tumela'u in Troas wo melala'us suméngkot angé am pulou Samotrake, wo asi woondona mai, icateka'o kami a Neapolis an sangkum i Makedonia.

Kisah Para Rasul 16:8

Anaé, séra asaloke' ilumangkoi i Misia wo icateka' mangé an Troas.

Kisah Para Rasul 20:38

En até éra susa keli, lébé-lébé ka'i an tutuw sia icumua sapaoka séra ra'io meta'up wo isia. Kumawus in itu, sia iwali éra mangé ang kapal.

1 Korintus 4:11

Wo akar intarépé' kami maarem wo maré'om wo eng karai ami waya oka si pekakaraien an owak. Kami paokoien é tou wo ra'ica wana em paento'an.

2 Korintus 11:27

Yaku ra'ica mento' menawo-nawoi akar i makepé, yaku makakeli-keli ra'io matekel, ra'io makan, ra'ica maelep, makakeli-keli ka'i ra'io wana kakanen, kautingan ampa'paan eng karai ra'ica maawes.