2 Timotius 4:1 - En Taar Weru a nunuwu' é Tontemboan

¹ Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

2 Timotius 4:1 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Lukas 19:12

Icua i Yesus, “Awéan esa tou wangko' wo pasiri-siriin, mangé an esa roong wangker wo tayang en lantiken mamuali kolano. Pakalantikenai, sia maréng sumawel an doongna.

Lukas 19:15

Taan si tou itu kasake' in linantik mamuali kolano. Wo sia maréng sumawel an doongna wo towanna sé ata sé winéanna roit mina, ampa'paan casalé'na kakailekanna pira eng kauntungan kinéréan éra asi esa wo si esa.

Lukas 23:42

Wo icuana a si Yesus, “Yesus, ta'néienai aku, sa Ko maai tanu Kolano sa.”

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Roma 2:16

Tanu siituo e imamuali asi endo kaka'puan ing kayo'baan sa. Asi endo itu si Amang Kasuruan méé kawasa a si Kristus Yesus e makim waya sé icaenep an até é tou wo sé pawero-weroten é tou. Siituo sé ipakuaku iciit in Abar Kaaruien andumoro' i Yesus Kristus.

Kolose 3:4

Si Kristuso em palemboian ing katouan iow. Wo sa Sia maai sumawel ang kayo'baan ang karapi i rarayo wo in sisiri'-Na, kamu ka'i kaséréan oka wo pekiit irayo wo in siriin mewali-wali wo Sia.

2 Tesalonika 2:8

An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

1 Timotius 5:21

Timotius, iwééku en tawoien anio' ai co an dior i Amang Kasuruan wo si Kristus Yesus wo sé malaékat sé sinisir-Nao. Pangilekenku ai co wosama' émaano waya sé aicuaku anio' an jamaat wo ra'ica marapit.

2 Timotius 1:10

Wo intarépé' aituru'-Nao eng kaupusan-Na ai cita wo en lalanna, iwéé-Na mai ai cita si Yesus Kristus, si Lumolowirta. Sa si tou maéman in Abar Kaaruien andumoro' si Yesus Kristus, em papaté ra'ica kumawasa si tou itu taan makéré oka ing katouan akar ing kauré-uré.

2 Timotius 2:14

Pokéiano mangé sé tou maéman andumoro' im pakasa sé aicuaku ai co. Icua mangé ai séra ang karapi i mauli-ulit an dior i Amang Kasuruan sapaoka séra ra'ica toro meindo-indoan roma' andumoro' ing kaangéan i nunuwuun itu, ampa'paan en itu ra'ica wana torona wo asalo lumicoko sé tou iluminga in itu.

2 Timotius 4:18

Iwekar-Na oka ka'i aku asé tou sé mawasa-wasa in léwo' e méma' yaku icawangkur. Lowiren-Na oka ka'i aku akar muntep an sorga, asi tampa Sia Makakawasa tanu Kolano. Siao em patus iparayo-rayo wo pasiri-siriin akar ing kauré-uré! Ulit.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

1 Petrus 1:7

Asé pangepé'an ituo e méé tuus sapaoka kamu uli-ulit maéman a si Casuruan. E mas ro'na maléwo' mandé niéma'o tulén tinunu an api. Em paémanen iow lumébé mai im bééna i mas, anaé musti ujin ka'i ing kelian pangepé'an wosama' makaketer akar kamu makéré oka i rarayo wo in sisiri' wo pengasiriin asi endo i Yesus Kristus mai sumawel.

1 Petrus 4:5

Taan panowaten éra oka a si Amang Kasuruan si tu'tulo makim pakasa in tou sé menonou wo sé tou imatéo.

1 Petrus 5:4

Wo an tutuw i Yesus si Gembala Wangko' imayo sumawel, kamu makéré oka mahkota a rarayo wo in sisiri' ai Sia. Siituo e mahkota si ra'ica materi.

2 Petrus 1:11

Wo in taniitu kamu wéan-Na oka kaloasan e muntep ang kakolanoan akar ing kauré-uré, siituo eng kakolanoan i Apo' Yesus Kristus wo Lumolowirta.

2 Petrus 1:17

Sinéré amio tumambisa si Yesus makéré i rarayo wo in sisiri' asi Amang Kasuruan owo. An tutuw itu kalingaan ami en suara i Amang Kasuruan si pasiri-siriin wo iparayo-rayo makua ai Sia tana'i, “Si anioo si Toyaang-Ku, si ipaupu-upus-Ku. Siao si mengaarui in até-Ku.”

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.