2 Timotius 3:2 - En Taar Weru a nunuwu' é Tontemboan

² Wo asé endo itu ka'i, sé tou asalo oka mengaupus in owak éra in esa wo mamuali ata in doit. Séra mengatowo oka wo mengatirayo in owak éra in esa, mengawuruk i ngaran é tou. Séra mengasundur sé matu'a, ra'ica makailek mengawéé i makapulu'sama' wo ra'ica mapandung i mengaapo' a si Casuruan.

2 Timotius 3:2 ပူးပေါင်းရင်းမြစ်များ

Matius 15:6

ra'io sangali pandungenna eng kaperluan i amangna kuma'pai i nangna. Wo in taniitu, en taar i Amang Kasuruan ra'io pengakiiten iow, em pengakiiten iow asaloke' ing kanaramen iow.

Lukas 12:15

Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”

Lukas 16:14

Pakasa sé aicua i Yesus itu, pakalingan é tou Farisi sé masalé-salé'ke' in doit itu. Wo icé'ké' éra Sia.

Lukas 6:35

Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

Kisah Para Rasul 5:36

Ta'néien iow, indior awéan esa tou makangaran Teudas. Sia imangkai in owakna mamuali tou pasiri-siriin wo kelian tou e makiit isia, eng kakeli éra wona' epat ngaatus tou. Taan tutuw sia pinaté, sé tou ipawali-walina icasera-serar akar i maka'pu.

Roma 11:18

Ampa'paano in itu tioo maepes im beren asé panga-pangana aseli sé pinokolo itu. Musti ta'néien iow, sapaoka kamu itu asaloke' pangana. Wo ra'ica pangana e méé kanen an a'mut, taan a'muto e méé kanen am pangana.

2 Korintus 5:15

Si Kristus imaté torona im pakasa é tou wosama' séra menonou, ra'io ka'i menonou torona in owakna in esa, taan torona si Kristus si imatéo wo tinou sumawel torona éra.

Filipi 2:21

Sé tou walina asalo mangéré ing katoronaan éra in esa, em paérén éra ra'ica ing katoronaan i Yesus Kristus.

Kolose 3:5

Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.

2 Tesalonika 2:4

Si tou ituo en sumundur si Amang Kasuruan wo mengaangkai in owakna rumangka'mai asé im pakasa é opo-opo' sé paanggapen é tou tanu Kasuruan. Wo ka'i sia lumukut an untep im Balé Le'nas wo an dior é tou icuana sapaoka siao si Amang Kasuruan.

1 Timotius 1:20

An uner éra awéan si Himeneus wo si Aleksander. Séra in dua itu aisarakankuo a si kikiiten é sétang. Niéma'ku in taniitu wosama' séra mape'dis e maojat i ngaran i Amang Kasuruan.

1 Timotius 1:9

En ukum ang Kitap Le'nas itu ra'ica niéma' torona é tou sé maéma' im butul, taan niéma' torona é tou sé ra'ica makiit in ukum wo sé tou ra'ica le'tek, torona é tou léwo' wo sé tou mengaéma' ing kamesé-meséaan, torona é tou makiit ing kasalé'an ing kayo'baan wo ra'ica maéman a si Casuruan, torona é tou sé mengapaté si amang wo si inang, torona é tou sé kinakelian mengapaté tou,

1 Timotius 3:3

ra'ica lalangun, ra'ica tae'bow taan sama' a sé tou, masalé' meelu-eluran wo sé kakélé in tou wo ra'ica ata in doit,

1 Timotius 6:10

Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.

1 Timotius 6:4

isiao si tou tirayo taan ra'ica makailek in sapa-sapa. Em pakawerotna ra'ica wutul ampa'paan asalo maéré-éré alasan ang karapi i meindo-indoan roma'. Ampa'paan sa meindo-indoan roma' tanu siitu, méma'ke' taré sé tou menii-niim ing kasuutan, meréndéran, mengawuruk i ngaran é tou, mengawerot in léwo' a sé tou walina,

2 Timotius 3:4

masalé' mengakianat sé tou, kolek em ipakawerot, mapa im pandéi, masalé'ke' maaru-arui kiit ing kasalé'an éra in esa ra'ica kiim kumiit ing kasalé'an i Amang Kasuruan.

Yakobus 2:8

Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.

Yakobus 4:16

Taan em pakanuwu' miow taloso taré tirayo e mengaangkai in owak iow in esa. Em pakanuwu' tanu siitu suméa'.

Yakobus 4:6

Taan en upus aitambér i Amang Kasuruan ai cita, lébé wangko' mai wo in itu. Ampa'paano in itu aipatic ang Kitap Le'nas tana'i, “Sunduren i Amang Kasuruan sé tou tirayo, taan turu'-Na eng kaupusan a sé tou ko'kos en até.”

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”

2 Petrus 2:10

Wo eng kataré-taré akimen-Na, sé tou sé asalo makiit ing kasalé'an in owak sé ra'ica wutul ampa'paan kasalé'an in esa wo maroros ing kawasa i Amang Kasuruan. Sé guru ra'ica wutul itu ra'ica wana eng kaindé'an wo tirayo akar séra ra'ica maindé' maroros pakasa sé menonou an sorga sé iparayo wo pasiriin.

2 Petrus 2:12

Taan sé guru ra'ica wutul itu tanuoka sé binatang ra'ica ningaasan, meputé wo sé binatang asalo ayanak en tangkaan wo patén. Séra maroros sapa sé ra'ica kailekan éra, wo ampa'paano ing kaléwo-léwo'an sé niéma' éra ituo, séra in esa ka'i patén oka kaputé é binatang ra'ica papiaran.

2 Petrus 2:18

Séra menganuwu' mapaké i nunuwu' mengaangkai in owak wo ra'ica wana torona. Wo em pasusui éra ka'i andumoro' ing kasalé'an in owak mabersina en tumawér sumawel sé tou sé ra'ipé' uré icumesot an uner é tou sé mengakiit in sususuien ra'ica wutul itu.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.

Yudas 1:16

Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.

Wahyu 13:1

Wo sérénku awéan esa binatang icumesotai an untep in ta'sic owo, sia makaro'kos pitu wo makasungé sangapulu'. An tempok é sungé itu awéan sangapulu' mahkota. Wo an do'kos i binatang itu pinatican i ngara-ngaran é maojat si Amang Kasuruan.

Wahyu 16:11

Wo ojaten éra si Amang Kasuruan an sorga ampa'paan séra menanang i me'nget wo ampa'paano ing kupe-kupes éra, taan séra ra'ica mape'dis am pengéma- ngémaan éra.

Wahyu 16:21

Wo awéan uran éis sela an langit owo marongkorai a sé tou. Esa éis eng kauterna lima ngapulu' kilo. Wo ojaten é tou e ngaran i Amang Kasuruan ampa'paan ing kawangkuran wangko' itu.

Wahyu 16:9

Sé tou rinengis im paso' in api si ra'io icakua, akar ojaten éra e ngaran i Amang Kasuruan si makakawasa ing kawangkuran-kawangkuran itu. Wo séra ra'ica mape'dis wo ka'i ra'ica rumayo wo sumiri' Sia.