2 Timotius 3:16 - En Taar Weru a nunuwu' é Tontemboan

¹⁶ Pakasa en aipatic ang Kitap Le'nas, nunuwu' i Amang Kasuruan owo. Wo pakasa en itu eng katoronaanna: sumusui sé tou, tumuru' ing kameséaan é tou, mutul im peri léwo' é tou, wo sumusui sé tou wosama' menonou wutul an dior i Amang Kasuruan.

2 Timotius 3:16 ပူးပေါင်းရင်းမြစ်များ

Matius 13:52

Wo icua i Yesus ai séra, “Ampa'paan in itu, susur é makailek wutul in Torat sé tumerimao in sususuien andumoro' ing Kakolanoan in Sorga itu, séra ayandé tanu si makawalé cumesot ing kasiyaan weru wo si uré asi tampa pengaémaanna ing kasiyaan.”

Matius 21:42

Wo icua i Yesus ai séra, “Ra'ipé' réén binaca miow si aipatic ang Kitap Le'nas icumua in tana'i, ‘Watu aitiya' é bas, imamualio watu patuuran. Niéma' i Amang Kasuruan en itu, wo sérénta e niéma'-Na itu uli-ulit ra'io cakua!’

Matius 22:43

Wo wuéien ka'i i Yesus ai séra, “Sa réén taniitu, tumambisa si Daud an tutuw sia kinawasa i Roh Le'nas wo patuulenna si Kristus itu Tuangna? An tutuw itu aicua i Daud in tana'i,

Matius 26:54

Taan sa émaan-Ku en itu, tumambisa sé aipatic ang Kitap Le'nas itu lekepen? Aicua ang Kitap Le'nas sapaoka en anio' musti mamuali.”

Matius 26:56

Taan pakasa en anio' musti mamuali, wosama' en aipatic é nabi ang Kitap Le'nas musti lekepen.” Wo pakasa sé murit-Na tumela'u Sia wo tumincas.

Markus 12:24

Isowat i Yesus ai séra, “Isuméa'o keli kamu, ampa'paan ra'ica kaangéan iow eng Kitap Le'nas, wo ka'i ra'ica kailekan iow eng kakawasaan i Amang Kasuruan.

Markus 12:36

Ampa'paan si Daud an tutuw kinawasa i Roh Le'nas kumua: Si Amang Kasuruan cumuao a si Tuangku tana'i, ‘Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Yohanes 10:35

Kailekan iow eng Kitap Le'nas pengapakén akar ing kauré-uré. Anaé, sa sé tou tumerima in taar i Amang Kasuruan patuulen ‘sé kasuruan,’

Yohanes 3:20

Si séike' mangé sé mengéma-ngéma' ing kaléwo-kaléwo'an, sia masuut in sendot wo ra'ica kiim mai sumusut an sendot itu, wosama' sé pengéma-ngémaanna léwo' itu ra'ica kaséréan.

Kisah Para Rasul 1:16

“Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.

Kisah Para Rasul 18:25

Wo ka'i tinerimanao en sususuien andumoro' i Apo' Yesus. Sia incaya' keli masisil andumoro' i Yesus wo pakasa em pasisilna ra'ica wana en suméa'. Mandé ka'i in taniitu, em baptisan kailekanna asaloke' im baptisan i Yohanes Mabaptis.

Kisah Para Rasul 20:20

Taan aku kasake' tumawang icamu wosama' em paémanen iow mengawe-ngawes. Pakasa aicuakuo wo aisusuikuo ai camu an dior é tou keli wo ka'i am balé-walé.

Kisah Para Rasul 20:27

Ampa'paan kasake' pengua-nguaku ai camu pakasa sé andumoro' im basa i Amang Kasuruan ai camu.

Kisah Para Rasul 28:25

Anaé, pakasa séra ra'ica esa wewerot andumoro' in itu wo séra mentalicuran asi tampa itu. Taan, ra'ipé' mentalicuran séra, icua ka'i sumawel i Paulus ai séra, “Wutulo en aicua i Roh Le'nas a sé apo-apo'ta si aipatic ang kitap i nabi Yesaya.

Roma 15:4

Pakasa en aipatic ang Kitap Le'nas indior en sumusui ai cita. Wo pakasa en sususuien an untepna aiwéé e méma' icita talesen wo méé ing kaketeran im paémanen, wosama' kita tatapke' i maarap a si Amang Kasuruan.

Roma 2:20

Paanggapen iow sapaoka kamu guru a sé tou bodok wo guru a sé tou ra'ipé' makailek in sususuien wutul. Ampa'paan paanggapen iow sapaoka kamu makaileko in ukum Torat wo maanggap pandéi wo makaileko in sususuien wutul.

Roma 3:2

Tantu kelian eng katoranaan wo am baya-waya! Kataré-taré, a sé tou Yahudio sé tinokéan in Taar i Amang Kasuruan.

Roma 4:23

E nunuwu' anio', “Teriman i Amang Kasuruan wo nianggap-Na tou wutul,” ra'ica aipatic toronake' si Abraham in esa,

1 Korintus 12:7

Kita esa wo si esa winéano mai kamang aitambér i Roh e méma' sapa sé awéan en torona a sé pakasa in tou.

Galatia 3:8

Ang Kitap Le'nas, ro'na kakailekanta sapaoka tumo'tolke' mai indior aitantuo i Amang Kasuruan sé tou ra'ica Yahudi anggapen-Na oka wutul an dior-Na sa séra maéman a si Kristus. En Abar Kaaruien itu aicuao i Amang Kasuruan indior a si Abraham an janji anio', “Pakasa im bangsa ang kayo'baan kamangen oka, ampa'paan ico.”

2 Timotius 2:25

Sia musti masusui ang karapi ing ko'kos en até a sé tou sé mengasundur in sususuien wutul. Sia musti mengaéma' in taniitu ampa'paan sa si Casuruan méé mai témpo ai séra, séra ro'na mape'dis akar séra ro'na makailek in sususuien wutul itu.

2 Timotius 4:2

icuamuo mangé en Taar i Casuruan a sé tou, loor kuma'pa ra'ica loor en orasna, ko musti tu'tul e mengua-ngua in Taar itu. Sina'ueno mangé sé tou mengaéma' ing kameséaan, romaan angé séra ang karapi wuta ing katalesenan an tutuw ko mengasusui iséra.

Ibrani 11:1

Sa kita awéan em paémanen a si Amang Kasuruan, émanenta sapaoka kéréanta oka sapa sé paarapenta. Ampa'paan im paémanen itu kailekanta sapaoka kéréanta oka sapa sé ra'ica ro'na kaséréanta.

Ibrani 3:7

Ampa'paano in itu, ta'néieno mangé sapa sé aicua i Roh Le'nas ang kitap Le'nas, “Asi endo anio', sa lingan iow en suara i Amang Kasuruan,

Ibrani 4:12

En Taar i Amang Kasuruan itu menonou wo makakawasa. Wo en Taar itu ilumébé mai ing katelew in sa'bel rua telewa, ro'na tumopok rarem keli akar tumané i mu'kur wo e roh, wunak wo wuku-wuku in du'i, wo ro'na kailekan-Na waya sé an untep im bewerot wo im paaté-atén é tou.