2 Timotius 2:4 - En Taar Weru a nunuwu' é Tontemboan

⁴ Sa si suraro an tutuw i matawoi, ra'ica pandungenna en owakna wo sé urusan walina. Sia asalo makasaru in tawoienna itu wosama' si kikiitenna arui ai sia.

2 Timotius 2:4 ပူးပေါင်းရင်းမြစ်များ

Lukas 8:14

En lulumbo irumongkor an tana' pengatowan in dukut tutunéan, ayandé sé tou ilumingao in Taar i Amang Kasuruan, taan séra maindé-indé'ke' andumoro' ing katouan éra wo masalé'ke' menonou ang kasiyaan wo ang kaaruian asi kayo'baan anio'. Pakasa en itu méma' im paémanen éra ra'ica keter meputé wo in lulumbo ra'ica mengawéé wua'na loor.

2 Korintus 5:9

Ampa'paano in itu raméjin ami mauli-ulit marui in até-Na, an tutuw ami maento' an untep i owak ang kayo'baan anio' kuma'pa an tutuw ami maento' ang karapi-Na an sorga.

Galatia 5:1

Si Kristus iméma'o icita ra'io ka'i ang kakawasaan in ukum Torat, wosama' kita ra'io pakawa'kesen in ukum Torat. Ampa'paano in itu timboieno sumama-sama' eng kaloasan itu, wo tioo maréng menonou tanuoka ata si pakawa'kesen in ukum Torat.

1 Tesalonika 2:4

Kami tinokéano i Amang Kasuruan eng kumua in Abar Kaaruien andumoro' i Yesus Kristus, ampa'paan kami nianggap-Na patus eng kumua in itu. Ampa'paan in ituo ipakua-kua ami en Abar Kaaruien itu ra'ica asaloke' mengaarui in até é tou taan mengaarui in até i Amang Kasuruan si mengauji in atéta.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

2 Petrus 2:20

Sé tou itu isumangkumo makatuus si Yesus Kristus, Apo' wo Lumolowirta, séra icawekaro ang kasalé'an léwo' ing kayo'baan. Taan sa séra maréng sumawel iméma' sé kaléwo'-léwo'an itu, eng kasiwakanna em peri ing katouan éra itu ilumébé léwo' mai asi cataré.