2 Timotius 2:24 - En Taar Weru a nunuwu' é Tontemboan

²⁴ Taan si tou matawoi torona i Casuruan tanu ico ra'ica toro meindo-indoan roma' taniitu. Aweso taré si tou itu musti sama' a sé pakasa in tou, pandéi masusui wo ka'i talesen a sé pakasa in tou.

2 Timotius 2:24 ပူးပေါင်းရင်းမြစ်များ

Matius 12:19

Sia ra'ica kawisa meindoan roma' wo ra'ica kawisa maangko', wo ra'ica kawisa ka'i lingan é tou Sia manuwu' an lala-lalan.

Yohanes 6:52

Kelinga in itu, sé tou Yahudi meindo-indoan roma' séra wo iséra. Icua éra, “Tambisa réén Sia ro'na méé in owak-Na eng kanenta?”

Kisah Para Rasul 15:2

Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 23:9

Ampa'paano in itu, en am bitu malicokoo. Wo piraan sé makailek wutul in Torat asé golongan Farisi mai an dior wo méla si Paulus. Icua éra, “Sa kumiit icami, si tou anio' ra'ica isuméa'! Séi si makailek awéan roh kuma'pa malaékat imai wo rumoma' ai sia?”

Kisah Para Rasul 7:26

Mando mai, si Musa suméré awéan rua tou Israel mapetokol. Wo raméjinna méma' séra meeluran sumawel, icuana, ‘Éi! Kéitu réén kamu in dua mapetokol? Ra'ica réén mepoow kamu in dua?’

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 10:4

Em pakakas paperang sé pengapakén ami ra'ica pakakas paperang asi cayo'baan anio' owo, taan em pakakas paperang asi Amang Kasuruan si makakawasa. Wo ang karapi im pakakas paperang itu tongkaren ami em bénténg-bénténg.

2 Korintus 6:4

Aituru'o ami sapaoka am baya-waya kami ata i Amang Kasuruan. Ampa'paan eng kawenduan, eng kasusaan wo ing kawenduan pinendam amio ang karapi in talesen,

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Filipi 2:14

Sapake' en émaan iow, émaano mangé en itu ang karapi i ra'ica mengi-ngimbulu wo tioo ka'i meindo-indoan roma',

Filipi 2:3

Tioo mengaéma' in sapa-sapake' sé asalo mangéré ing katoronaanke' in owak in esa, kuma'pa mengatirayo in owak in esa. Taan ituru'o eng kako'kosan in até asi esa wo si esa wo weroteno mangé sé tou walina en lébé loorai wo in owak in esa.

Kolose 3:13

Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.

1 Tesalonika 2:7

Taan ituru'o ami eng kasama-samaan ami ai camu an tutuwta mewali-wali, tanu si inang maurus si toyaangna.

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

Titus 1:1

En surat anio' a yaku owo, Paulus. Yaku anio' ata i Amang Kasuruan wo ruru'du'an i Yesus Kristus. Yaku ayutus en tumawang sé tou sinisiro i Amang Kasuruan wosama' em paémanen éra makaketer wo ro'na makailek in sususuien wutul. En sususuien itu en tumawang iséra tumambisa menonou mengaapo' a si Amang Kasuruan.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

Titus 1:9

Séra ka'i musti tou wutu-wutul makiit in sususuien wutul si sususuien aisusuio ai séra. Wo in taniitu kawooan éra maké in sususuien wutul itu en sumina'u sé tou wo ka'i makawoo rumondor im bewerot é tou sé masundur in sususuien itu.

Titus 3:2

Musti ita'néimu mangé ai séra, ra'ica toro mengawuruk i ngaran é tou walina wo ra'ica toro meindo-indoan roma'. Aweso taré em peri éra musti loor wo ka'i ko'kos en até a sé im pakasa in tou.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

Yakobus 4:2

Awéan em paawo-awon iow taan ra'- ica kinakiitan akar kamu maté tou. Kamu mangana-nganat taan ra'ica kinéréan sapa em paéré-érén iow akar kamu meréndéran wo metokol. Taan kamu ra'ica makéré sapa-sapa, ampa'paan kamu ra'ica masombayang.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.