2 Timotius 2:23 - En Taar Weru a nunuwu' é Tontemboan

²³ Tioo ko meindo-indoan roma' andumoro' i roroma' sé ra'ica wutul wo ra'ica patus. Kailekanmu sa meindo-indoan roma' taniitu mengaéma' ing kaperéndéran é tou.

2 Timotius 2:23 ပူးပေါင်းရင်းမြစ်များ

1 Timotius 1:4

Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.

1 Timotius 4:7

Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.

2 Timotius 2:14

Pokéiano mangé sé tou maéman andumoro' im pakasa sé aicuaku ai co. Icua mangé ai séra ang karapi i mauli-ulit an dior i Amang Kasuruan sapaoka séra ra'ica toro meindo-indoan roma' andumoro' ing kaangéan i nunuwuun itu, ampa'paan en itu ra'ica wana torona wo asalo lumicoko sé tou iluminga in itu.

2 Timotius 2:16

Ico ka'i tioo sumusut a sé tou mapaar im papaaren sé ra'ica wana torona wo a sé tou sé ra'- ica mengasiri' si Casuruan. Ampa'paan sé tou mapaar in taniitu méma'ke' taré iséra ra'ica maindé' ai Sia.

Titus 3:9

Wo ko ra'ica toro mapaar im papaaren sé ra'ica wana torona wo andumoro' in sisisilen taranak é apo-apo' miow, ra'ica toro meindo-indoan roma'. Wo ko ka'i ra'ica toro meréndéran andumoro' in ukum Torat. Ampa'paan pakasa en itu ra'ica wana torona wo uli-ulit ra'ica wana torona.

Yakobus 4:1

Kéitu réén kamu meindo-indoan roma' wo meréndé-réndéran? Ra'ica réén ampa'paan ing kasalé-salé'an sé ra'ica loor imapetokol an owak iow?