2 Timotius 2:21 - En Taar Weru a nunuwu' é Tontemboan

²¹ Taniitu ka'i wo sé tou maéman. Sa awéan tou mento' maéma' ing kaléwo-léwo'an, sia asalo pengapakén i Casuruan asé tawo-tawoien loor. Émaan i Casuruan en até i tou itu male'nas. Si Casuruan arui maké isia ampa'paan sia ka'i tu'tul mengaéma' pakasa in tawoien loor.

2 Timotius 2:21 ပူးပေါင်းရင်းမြစ်များ

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

1 Korintus 5:7

Ampa'paan in ituo itiya'o mio' si ragi uré itu, si ragi ing kamesé-meséaan iow, wosama' kamu mamuali tanuoka in adonan weru, ampa'paan kamu ulit tanuoka in adonan ra'ica rinagian. Ampa'paan si Kristus, si ana' i domba Paska pinaté tanu raragésan en tumu'bus ing kameséaanta.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

2 Korintus 9:8

Si Amang Kasuruan makawoo tumambérai ing kamang kumeli-keli ai camu, akar sé paperlun iow am baya-waya imaaweso. Wo in taniitu lébé kawooan iow méma' im pakasa sé loor.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

2 Timotius 2:16

Ico ka'i tioo sumusut a sé tou mapaar im papaaren sé ra'ica wana torona wo a sé tou sé ra'- ica mengasiri' si Casuruan. Ampa'paan sé tou mapaar in taniitu méma'ke' taré iséra ra'ica maindé' ai Sia.

2 Timotius 2:20

Am balé é tou siya', awéan pakakas-pakakas sé niéma' a mas, am pérak, ang kayu wo ka'i awéan sé niéma' an tana' pulut owo. Em pakakas sé niéma' a mas wo pérak papakén ang kasalé-salé'an wangko'. Wo em pakakas si niéma' ang kayu owo wo tana' pulut, papakénke' ang kasalé-salé'an teké' sé kanaramenke'.

2 Timotius 3:17

Wo in taniitu, eng Kitap Le'nas itu méma' sé tou i Amang Kasuruan makawoo méma' im pakasa sé loor.

2 Timotius 4:11

Wo si makaento' ang karapiku am bia'i waya oka si Lukas. Ampa'paan in ituo mangéo pangérénmu si Markus wo kamu in dua mewali-walio mai am bia'i. Ampa'paan si Markus ro'na sumémbong méma' in tawoienku am bia'i.

Titus 3:1

Éi Titus, ita'néimu mangé a sé tou maéman am pakasa in jamaat wosama' séra mengalinga wo mengaéma' sapa sé airu'du' é maperénta wo sé makakawasa i negara. Séra musti le'tek maéma' in loor a sé tou walina.

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Petrus 1:7

Asé pangepé'an ituo e méé tuus sapaoka kamu uli-ulit maéman a si Casuruan. E mas ro'na maléwo' mandé niéma'o tulén tinunu an api. Em paémanen iow lumébé mai im bééna i mas, anaé musti ujin ka'i ing kelian pangepé'an wosama' makaketer akar kamu makéré oka i rarayo wo in sisiri' wo pengasiriin asi endo i Yesus Kristus mai sumawel.

1 Yohanes 3:3

Sé tou maarap tanu siitu ai Sia, musti téiranna sumama-sama' eng katouanna wosama' le'nas meputé wo si Kristus itu le'nas.