2 Timotius 2:20 - En Taar Weru a nunuwu' é Tontemboan

²⁰ Am balé é tou siya', awéan pakakas-pakakas sé niéma' a mas, am pérak, ang kayu wo ka'i awéan sé niéma' an tana' pulut owo. Em pakakas sé niéma' a mas wo pérak papakén ang kasalé-salé'an wangko'. Wo em pakakas si niéma' ang kayu owo wo tana' pulut, papakénke' ang kasalé-salé'an teké' sé kanaramenke'.

2 Timotius 2:20 ပူးပေါင်းရင်းမြစ်များ

Yohanes 8:49

Isowat i Yesus ai séra, “Yaku ra'ica rinasuk i sétang, Yaku mengasiri' si Amang-Ku, taan Aku ra'ica pengasiriin iow.

Roma 9:20

Taan kita ra'ica toro kumua in taniitu, kita anio' touke'. Wo kita in tou ra'ica wana hak eng kumua a si Amang Kasuruan sapaoka Sia meséa'. Ro'na réén eng kuré' kumua a si mengaéma' ing kuré, “Kéitu réén aku niéma'mu tana'i?”

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

2 Korintus 4:7

En Abar Kaaruien sé pakua ami itu ayandé tanu ing kasiyaan sosor em bééna. Wo icami sé mengakua in Abar Kaaruien itu ayandé tanu ing kuré' taweté'. Icami makaanu ing kasiyaan anio' an untep ing kuré'. En itu imamuali en tumuru' sapaoka eng kaketeran si lumepe-lepet itu asi Amang Kasuruan owo ra'ica ai cami.

Efesus 2:22

Ampa'paan i Kristus, kamu sé tou ra'ica Yahudi ka'i winangun mewali-wali wo sé tou Yahudi mamuali paento'an i Amang Kasuruan. Am bitu Sia mento' tanu Roh.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.