2 Timotius 2:2 - En Taar Weru a nunuwu' é Tontemboan

² Liningamuo en sususuien si aisusuikuo an dior é tou keli. Musti isusuimu en itu a sé tou walina sé ro'na percayanmu wo sé pandéi masusui. Wo in taniitu séra ro'na sumusui sé tou walina.

2 Timotius 2:2 ပူးပေါင်းရင်းမြစ်များ

Matius 13:52

Wo icua i Yesus ai séra, “Ampa'paan in itu, susur é makailek wutul in Torat sé tumerimao in sususuien andumoro' ing Kakolanoan in Sorga itu, séra ayandé tanu si makawalé cumesot ing kasiyaan weru wo si uré asi tampa pengaémaanna ing kasiyaan.”

Matius 24:25

Ta'néien sumama-sama', pakasa en itu ra'ipé' imamuali taan airior-Kuo icua ai camu.

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

1 Korintus 4:2

Si kumataré-taré en tuntuten ai cita sé mengaselewir, kita musti le'tek a si tuang si méé in tawoien.

2 Korintus 2:14

Taan makapulu'sama' a si Amang Kasuruan. Sia maaki- akin icami akar imuntung ampa'paan i Kristus. Pakén i Amang Kasuruan icami wosama' sé tou am bisa-wisa makatuus si Kristus. Anaé, em paselewir ami tanu im bou manam si pengakawouan am bisa-wisa.

2 Korintus 3:5

Kami ra'ica wana alasan eng kumua sapaoka kawooan ami méma' in tawoien anio', taan si Amang Kasuruan i méé mai icami makawoo.

Kolose 1:7

Pakasa en Abar Kaaruien andumoro' i Yesus Kristus itu, kinailekan iow asi Epafras owo si karapi ami maselewir si caupus ami. Sia le'tek mengaselewir asi Kristus torona ing kalooran iow.

1 Timotius 1:12

Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.

1 Timotius 1:18

Toyaangku Timotius! En tawoien anio' iwééku ai co tanu si ainuwu' i Amang Kasuruan a sé jamaat andumoro' ico, wosama' ko ang karapi i nunuwu' itu raméjinmu am paraméjian loor ang karapi i maéman wo in até weresi.

1 Timotius 4:14

An tutuw sé penatua an jamaat maro ing kama ai co e mutus ico, séra makéréo i nunuwu' asi Casuruan owo. Wo e nunuwu' itu andumoro' ing kamang aitambér-Na ai co. Anaé, pakéno mangé sumama-sama' en tatambér si aiwéé i Roh Le'nas itu.

1 Timotius 4:6

Timotius, sa sé aisusuiku itu icuamu waya a sé poo-poow esa paémanen, ico imamualio ata maselewir in loor a si Kristus Yesus. Wo kete-ketereno mangé en atému ang karapi i nunuwu' i Amang Kasuruan si paémanenta wo karapi in sususuien wutul sé kiniitmuo mai akar intarépé'.

1 Timotius 5:22

Tioo ko taporak maro ing kama a si séike' mangé en lumantik sia mamuali kikiiten an jamaat. Sa awéan tou méma' ing kamesé-meséaan, tioo ko kumiit mengaéma' ing kamesé-meséaan kaputé éra. Téirano mangé eng kale'nasan ing katouanmu.

1 Timotius 6:12

Ico tinowao i Amang Kasuruan e makéré ing katouan akar ing kauré-uré wo an tutuw itu ko mangaku i mauli-ulit an dior é tou keli sapaoka ko maéman a si Yesus Kristus. Ampa'paano in itu musti timboienmu sumama-sama' eng katouan akar ing kauré-uré si kinéréanmuo itu, tanu sé tou mekowa' rumaméji makéré im piala.

2 Timotius 3:10

Taan ko é Timotius, makaileko sé aisusuiku, em periku, em pendirianku, tambisa aku maéman a si Yesus, eng katalesenanku, en upusku a sé tou wo eng kale'tekanku mengaéma' in tawoienku.

2 Timotius 3:14

Taan musti timboienmu sumama-sama' en sususuien wutul itu sé tinerimamuo wo si paémanenmu. Ampa'paan kailekanmuo im butul sé tou isumusuio ai co indior anaé séra ro'na émanenmu.

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.