2 Timotius 2:19 - En Taar Weru a nunuwu' é Tontemboan

¹⁹ Taan em patuuran niéma' i Amang Kasuruan ulit keter. Em patuuran itu aipatic in tana'i, “Katuusan i Casuruan sé tou-Na” wo “Si séike' mangé sé maapo' a si Casuruan, mentoo mengéma-ngéma' in léwo'.”

2 Timotius 2:19 ပူးပေါင်းရင်းမြစ်များ

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Matius 7:23

Asi oras ituo, icua-Ku oka ai séra ang karapi ra'ica ipaene-enep, ‘Ra'ica katuusan-Ku kamu! Tumayango mangé an dior-Ku, kamu im baya sé mengaéma' ing kaléwo-léwo'an!’ ”

Matius 7:25

Wo tumumpao mai en uran repet wo mayo en lewu, wo rumegeso mai en deges repet tumena im balé itu, taan em balé itu ra'ica rume'ba, ampa'paan em balé itu winangun am bawo im batu.

Markus 12:16

Wo iwéé éra ai Sia esa dinar wo wuéien-Na ai séra, “Gambar wo ngaran i séi asi roit anio'?” Isowat éra, “Gambar wo ngaran i Kaisar.”

Markus 13:22

Ampa'paan sé mesias ra'ica wutul wo sé nabi ra'ica wutul maai oka sa. Émaan éra oka en tuu-tuus wo eng kakaya'kaan-kakaya'kaan en sumélé'kow sé tou sinisir i Amang Kasuruan.

Lukas 13:27

Taan icua i makawalé itu ai camu, ‘Ra'ica katuusan-Ku kamu am bisa owo mai! Mangém kamu im baya sé mengaéma' ing kaléwo-léwo'an.’

Lukas 6:48

Sia ipeputé wo si tou mangun im balé: Kataré-taré sia kuma'il in tana' rarem keli wo tumulir im batu pandasi wo mangun im balé am bawo im batu itu. An tutuw mai en sonop wangko' wo tumuli im balé itu, em balé itu ra'ica iméro' ampa'paan winangun am bawo im pandasi enté'.

Yohanes 10:14

Yakuo si gembala sama'. Katuusan-Ku sé domba-Ku, wo sé domba-Ku ka'i makatuus Yaku,

Yohanes 13:18

Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 3:33

Taan si séike' si tou si mercaya sé ipengua-ngua-Na itu tantu pinangakunao sapaoka si Amang Kasuruan itu wutul.

Kisah Para Rasul 11:26

Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Kisah Para Rasul 15:17

Émaan-Ku taniitu wosama' pakasa en tou walina mangéré Yaku, icauntep sé tou raica Yahudi sé sinisir-Ku e mamuali tou-Ku. Taniituo en aicua i Amang Kasuruan,

Kisah Para Rasul 9:14

Wo intarépé' sia imayo am bia'i. Sia imakéréo surat kawasa asé kikiiten é imam an Yerusalem, en tumangka' sé tou maéman a si Apo' Yesus am bia'i.”

Roma 11:2

Sé tou sinisir-Nao tumo'tolke' mai indior ra'ica aicélong i Amang Kasuruan. Tantu kailekano miow sapa en aipatic ang Kitap Le'nas, an tutuw i nabi Elia kumelak a si Amang Kasuruan andumoro' é tou Israel,

Roma 12:9

Mengaupus angé sé kakélé tou ang karapi in lekep en até. Tumayango mangé ang kaléwo-léwo'an, wo mengéma-ngéma'o mangé sé loor.

Roma 15:20

Icasalé'ku keli mangé kumua in Abar Kaaruien itu an tampa-tampa sé ra'ipé' kawisa luminga i ngaran-Na. Ampa'paan ra'ica icasalé'ku mangun in jamaat an tampa awéano jamaat sé winangun é tou walina, wosama' aku ra'ica tanu sé tou si tumoor im bangunan am bawo im pandasi sé winanguno é tou walina.

Roma 15:9

Wo si Kristus mai ang kayo'baan torona ka'i é tou ra'ica Yahudi, wosama' séra ro'na rumayo wo sumiri' si Amang Kasuruan ampa'paan ing kaupusan-Na ai séra. Ang Kitap Le'nas aipatic in tana'i, “Ampa'paano in itu rayoku oka si Amang Kasuruan an uner é tou ra'ica Yahudi, wo kantarku oka eng kakantaren rarayoan e rumayo i ngaran-Mu.”

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

1 Korintus 1:2

En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 8:3

Taan sa si tou mengaupus si Amang Kasuruan, tantu sia katuusan oka i Amang Kasuruan.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

Galatia 4:9

Taan intarépé' Sia kinatuusano miow, kuma'pa lébé loor kamu patuulen katuusano i Amang Kasuruan. Kéitu réén kamu masalé'ke' maréng sumawel sumelewir a sé roh ing kayo'baan sé ra'ica keter wo lengéi? Kéitu réén kamu masalé'pé' mengaata in owak a sé roh itu?

Efesus 2:20

Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.

Efesus 3:15

si mamuali Amangta im baya sé ang kayo'baan wo ka'i pakasa sé an sorga. Niéma'-Na kita im baya mamuali esa pamalé.

Efesus 4:30

Tioo pengaémaan iow si Roh Le'nas i Amang Kasuruan itu masusa. Ampa'paan si Roh Le'nas itu mamuali tuus sapaoka icamu itu anu i Amang Kasuruan akar asi endo Sia maai sumawel en lumowir icamu.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

1 Timotius 6:19

Sa séra méma' in taniitu, séra awéano esa patuuran keter an sorga, wo in taniitu ampa'paano im patuuran itu, séra ro'na makéré ing katouan si makakii-kiit mewali-wali wo si Casuruan sa.

Ibrani 11:10

Si Abraham ro'na talesen menonou taniitu ampa'paan sia ang karoro'an i maento-ento' ing kota makapandasi keter, si kota itu pawasa-wasano wangunen i Amang Kasuruan.

2 Petrus 3:14

Ampa'paan in ituo é poo-poow sé caupusku, ang karoro'an iow maento-ento' im pakasa itu mamuali, kamu musti rumaméji menonou le'nas wo ra'ica wana kaséaan an dior i Amang Kasuruan wo meeluran ang karapi-Na.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

Wahyu 17:8

Si binatang si sinérému itu, indior awéan taan intarépé' ra'io wana. Wo sia mapaturu' oka ang kepal im papaté wo sia maangém am papaté. Sé tou i menonou ang kayo'baan e ngaran éra ra'ica aipatic an untep ing kitap ing katouan tumo'tolai eng kayo'baan anio' niéma', séra mangaya-ngaya'ka' oka an tutuw suméré si binatang itu, ampa'paan si binatang itu indior awéan taan intarépé' ra'io wana, taan mapaturu' oka sumawel.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

Wahyu 21:14

Wo e ri'dir ing kota itu winangun am bawo é sangapulu' rua watu pandasi. Wo asé watu pandasi itu pinatican i ngara-ngaran é sangapulu' rua ruru'du'an i Toyaang i Domba.

Wahyu 22:4

Wo sérén oka éra eng gio-Na, wo an tuintung éra patican oka i ngaran-Na.

Wahyu 3:8

Kailekan-Ku waya e niéma' miow. Winukaan-Kuo em papalen torona miow wo ra'ica wana e ro'na malen. Kailekan-Ku ka'i sapaoka eng kaketeran iow wayake' im pira, taan kiniitano miow en sususuien-Ku wo ra'ica sumangkal i ngaran-Ku.