2 Timotius 2:14 - En Taar Weru a nunuwu' é Tontemboan

¹⁴ Pokéiano mangé sé tou maéman andumoro' im pakasa sé aicuaku ai co. Icua mangé ai séra ang karapi i mauli-ulit an dior i Amang Kasuruan sapaoka séra ra'ica toro meindo-indoan roma' andumoro' ing kaangéan i nunuwuun itu, ampa'paan en itu ra'ica wana torona wo asalo lumicoko sé tou iluminga in itu.

2 Timotius 2:14 ပူးပေါင်းရင်းမြစ်များ

Matius 16:26

Sapa en torona si esa tou makéré waya sé ang kayo'baan, taan katalaan ing katouan akar ing kauré-uré? Sapa réén e ro'na iwééna tanu sawel ing katouanna?

Kisah Para Rasul 13:10

wo kumua, “Éi toyaang i kikiiten é sétang! Ico wuta in uwak sé membam-balinaan wo ing kaléwo'an. Pakasa sé wutul pasundurenmuke'. Kéitu réén ra'ica yento'mu mengaléwo' im pawasan i Amang Kasuruan si mai lumowir sé tou?

Kisah Para Rasul 15:24

Aipatic ami en surat anio', ampa'paan lininga ami awéan piraan tou sé ai cami owo imangéo ai camu. Séra lumicoko i ngaas iow wo méma' icamu ra'io makaaté in sama' in sususuien éra. Sé tou itu ra'ica airu'du' ami mangé ai camu.

Roma 14:1

Terimano mangé' si tou ra'ipé' keter em paémanenna wo tioo meindo-indoan roma' wo isia andumoro' in sapa em paémanenna.

Galatia 1:7

En ulitna ra'ica wana lalan walina e makéré ing kalowiran. Taan kamu tinawéro é tou sé mengalicoko icamu ang karapi in sususuien andumoro' in abar sé mengasélé'kow. Em peangé-angén éra en sumali'si' in Abar Kaaruien andumoro' i Yesus Kristus si pakua ami.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

1 Tesalonika 4:1

Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.

2 Tesalonika 3:6

Poo-poow, peréntan ami kamu maké ing kawasa i Apo' Yesus Kristus, wosama' tumayango mangé kamu asé poo-poow sé ra'ica kiim tumawoi wo sé ra'ica makiit in sususuien si aiwééo ami ai camu.

1 Timotius 1:4

Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.

1 Timotius 1:6

Taan awéan sé tou ra'io kiim maéma' im pakasa in itu, séra memaa-maarke' im pepaaren sé ra'ica wana eng katoronaan.

1 Timotius 4:8

Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.

1 Timotius 5:21

Timotius, iwééku en tawoien anio' ai co an dior i Amang Kasuruan wo si Kristus Yesus wo sé malaékat sé sinisir-Nao. Pangilekenku ai co wosama' émaano waya sé aicuaku anio' an jamaat wo ra'ica marapit.

1 Timotius 6:13

Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,

2 Timotius 1:6

Indior aku maroo ing kama an do'kosmu wo si Amang Kasuruan tumambérai ing kamang ai co. Ampa'paano in itu ita'néiku ai co wosama' re'dem maké in tatambér si aiwééo i Amang Kasuruan ai co.

2 Timotius 2:16

Ico ka'i tioo sumusut a sé tou mapaar im papaaren sé ra'ica wana torona wo a sé tou sé ra'- ica mengasiri' si Casuruan. Ampa'paan sé tou mapaar in taniitu méma'ke' taré iséra ra'ica maindé' ai Sia.

2 Timotius 2:23

Tioo ko meindo-indoan roma' andumoro' i roroma' sé ra'ica wutul wo ra'ica patus. Kailekanmu sa meindo-indoan roma' taniitu mengaéma' ing kaperéndéran é tou.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

Titus 3:1

Éi Titus, ita'néimu mangé a sé tou maéman am pakasa in jamaat wosama' séra mengalinga wo mengaéma' sapa sé airu'du' é maperénta wo sé makakawasa i negara. Séra musti le'tek maéma' in loor a sé tou walina.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

2 Petrus 1:13

Wo imamualio tawoienku e musti méé tata'néi im pakasa in itu ai camu ang kauré aku menonoué'.