2 Timotius 1:4 - En Taar Weru a nunuwu' é Tontemboan

⁴ Sa aku makata'néi asi endo ilumangkoi, ico imaamé' an tutuwta in dua mentalicuran, siituo aku masalé' woo meta'up sumawel wo ico wosama' aku arui keli.

2 Timotius 1:4 ပူးပေါင်းရင်းမြစ်များ

Yohanes 16:22

Tanu siituo ka'i en até miow intarépé' mawendu keli. Taan Aku meta'up oka sumawel ang karapi miow wo en até miow maarui oka, wo ra'ica wana tou e ro'na mandét ing kaaruian in até miow.

Yohanes 16:24

Akar intarépé' kamu ra'ipé' mangilek sapa-sapake' a si Amang-Ku ang karapi i ngaran-Ku. Mangileko mangé wo teriman oka miow en itu, wo kamu wutu-wutul arui.

Kisah Para Rasul 20:19

Ang karapi ing kako'kosan in até aku sumelewir si Casuruan wo makakeli-keli aku maamé' wo keli mamendam im pangepé'an ampa'paan sé tou Yahudi maaté-até in léwo' e maté yaku.

Kisah Para Rasul 20:31

Ampa'paan in ituo, mareti-retio mangé kamu. Musti pena'né-na'néi iow sapaoka ang kauré in telu ngata'un aku mewali-wali wo icamu, endo wo em bengi kamu pengasina'uenku si esa wo si esa akar en danona im berenku menii-niis.

Roma 1:11

Ampa'paan icasalé'ku keli meta'up wo icamu wo méé ing kamang si pasusui i Roh i Amang Kasuruan a yaku, wosama' em paémanen iow makakete-keter.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 2:26

Icasalé'ku sia yutus angé sumawel, ampa'paan icamu im baya lelonna keli wo en aténa ka'i mendam in susa ampa'paan pinalingao miow sapaoka sia sumakit.

1 Tesalonika 2:17

Poo-poow, kita metané ra'ica uré. Mandé kita ka'i mentayangan, taan en atéta mentawian. Kami uli-ulit lumeloo icamu wo rumaméjio meta'up wo icamu.

2 Timotius 4:21

Wo ico rumaméjio maai an tutuw ra'ipé' mai en oras kautingan. Kelian sé tou maéman méé mai in siri' ai co. Séra itu si Ebulus, si Pudes, si Linus, si Klaudia.

2 Timotius 4:9

Timotius! raméjinmu mario-rioro maai a yaku.

1 Yohanes 1:4

Pakasa en anio' aipatic ami wosama' en atéta wutu-wutul arui.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”

Wahyu 7:17

Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”