2 Timotius 1:14 - En Taar Weru a nunuwu' é Tontemboan

¹⁴ Ico tinokéan in tawoien anio' puté wo si Casuruan tumoké in esa kasiyaan sosor ulit em bééna. Anaé, téiranmu sumama-sama' en itu. Wo e Roh Le'nas an atéta tumawang oka en tuméir ing kasiyaan itu.

2 Timotius 1:14 ပူးပေါင်းရင်းမြစ်များ

Lukas 16:11

Anaé, sa kamu ra'ica toro pengatokéan ing kasiyaan ing kayo'baan, si séi en tumoké ai camu ing kasiyaan wutul an sorga?

Yohanes 14:17

Si Matawang ituo si Roh Le'nas si mengawali icamu a si sususuien wutul andumoro' si Amang Kasuruan. Sé tou ang kayo'baan ra'ica tumerima Sia, ampa'paan séra ra'ica isuméré Sia wo ra'ica makatuus Sia. Taan kamu makatuus Sia ampa'paan Sia mewali-wali wo icamu intarépé', wo Sia mento' oka an untep in até miow i esa wo si esa.

Roma 3:2

Tantu kelian eng katoranaan wo am baya-waya! Kataré-taré, a sé tou Yahudio sé tinokéan in Taar i Amang Kasuruan.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:13

Ampa'paan, sa kamu menonou mengakiit ing kasalé'an in owak in esa, kamu makéré oka ukuman icatané a si Amang Kasuruan akar ing kauré-uré. Taan sa yento' miow mengéma-ngéma' ing kasalé'an in owak maké ing kawasa i Roh-Na, kamu menonou oka ang karapi-Na akar ing kauré-uré.

Roma 8:9

Taan, kamu ra'io menonou mengakiit ing kasalé'an in owak, taan mengakiit ing kasalé'an i Roh i Amang Kasuruan, ampa'paan e Roh i Amang Kasuruan uli-ulit mento' an owak iow. Sa e Roh i Kristus ra'ica menonou an owak i esa tou, sia ra'ica anu i Kristus.

1 Korintus 3:16

Ra'ipé' réén kailekan iow sapaoka kamu itu tanu Walé i Amang Kasuruan wo e Roh i Amang Kasuruan makaento' ai camu?

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

1 Korintus 9:17

Wo sa émaanku en tawoien makua in Abar Kaaruien andumoro' i Yesus Kristus asalo ampa'paan ing kasalé'anku in esa, yaku patus makéré laasa. Taan aku makua in Abar Kaaruien itu ampa'paan en itu musti émaan. Si Amang Kasuruan e méé in tawoien en émaanku.

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.

Galatia 2:7

Eng kasiwakana pangakun éra sapaoka si Amang Kasuruan imééo in tawoien a yaku eng kumua in Abar Kaaruien a sé tou ra'ica Yahudi, meputé Sia imééo in tawoien a si Petrus eng kumua in Abar Kaaruien a sé tou Yahudi.

Efesus 2:22

Ampa'paan i Kristus, kamu sé tou ra'ica Yahudi ka'i winangun mewali-wali wo sé tou Yahudi mamuali paento'an i Amang Kasuruan. Am bitu Sia mento' tanu Roh.

Efesus 5:18

Tioo kamu malangu-langu ampa'paan in elepen pengakalangun e méma' icamu ra'ica makawoo kumawasa in owak. Taan aweso taré en owak iow pakakawasan i Roh i Amang Kasuruan.

Kolose 4:11

Si Yesus si patowan éra Yustus, méé ka'i mai in siri' ai camu. An uner é tou Yahudi am bia'i sé maémano a si Yesus Kristus, wayake' séra in telu sé matawoi ang karapiku torona ing kakolanoan i Amang Kasuruan. Séra wutu-wutul e miboro yaku.

1 Tesalonika 5:19

Tioo pengala-ngalaan iow en tawoien i Roh i Amang Kasuruan.

1 Timotius 1:11

En sususuien wutul itu aipatic an Abar Kaaruien andumoro' i Yesus Kristus, si asi Amang Kasuruan wangko' owo si patus parayo. Wo en Abar Kaaruien itu aitokéo a yaku en icua.

1 Timotius 6:20

Timotius, musti téiranmu sumama-sama' waya sé aitoké i Casuruan ai co. Ra'ica toro kumiit memaa-maar sé ra'ica wana torona sé ra'- ica masiri' si Amang Kasuruan, wo ka'i tioo kumiit meindo-indoan roma' in andumoro' sé pakua é tou “kapinteran”, en ulitna siitu ra'ica kapinteran taan asalo meindo-indoan roma' andumoro' i nunuwu'.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

2 Timotius 2:2

Liningamuo en sususuien si aisusuikuo an dior é tou keli. Musti isusuimu en itu a sé tou walina sé ro'na percayanmu wo sé pandéi masusui. Wo in taniitu séra ro'na sumusui sé tou walina.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.