2 Timotius 1:13 - En Taar Weru a nunuwu' é Tontemboan

¹³ Anaé, kiiteno mangé en sususuien si liningamuo a yaku. En sususuien itu ulit wo ro'na mamuali andéan ai co en sumusui sé tou walina. Ico musti maéman a si Kristus Yesus wo mengaupus pakasa in tou, en itu tumuru'o sapaoka ko meesa wo si Kristus Yesus.

2 Timotius 1:13 ပူးပေါင်းရင်းမြစ်များ

Roma 2:20

Paanggapen iow sapaoka kamu guru a sé tou bodok wo guru a sé tou ra'ipé' makailek in sususuien wutul. Ampa'paan paanggapen iow sapaoka kamu makaileko in ukum Torat wo maanggap pandéi wo makaileko in sususuien wutul.

Roma 6:17

Anaé, makapulu'sama' a si Amang Kasuruan! Ampa'paan indior kamu ata ing kamesé-meséaan, taan intarépé' kamu icumiito ang karapi in lekep en até an sususuien sé aisusuio ai camu.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 4:9

Émaano mangé waya sé pinekisusuio miow wo sé tinerimao miow wo sé liningao miow wo sé sinéréo miow a yaku. Wo in taniitu, si Casuruan palemboian ing kaeluran mewali-wali oka wo icamu.

Kolose 1:4

ampa'paan liningao ami andumoro' im paémanen iow a si Kristus Yesus wo andumoro' in upus iow a sé im pakasa é tou le'nas.

1 Tesalonika 5:21

Taan ujin iow in sumama-sama' em pakasa in itu. Sa en itu uli-ulit asi Casuruan owo, terimano mangé wo kiiteno mangé i mauli-ulit.

1 Timotius 1:10

torona ka'i é tou mengacabul, sé tuama mengacabul a sé kakéléna tuama, sé mapu'is in tou en wangkér émaan ata, sé kotowo, sé tou mengasairi in towo wo ka'i sé tou makélong in sususuien wutul.

1 Timotius 1:14

Wopé'ka'i, si Casuruanta tumambéro mai ing kamang si lumébé-lébéo a yaku. Niéma'-Na ka'i aku akar makawoo maéman a si Kristus wo ka'i ro'na mengaupus sé tou walina.

1 Timotius 6:3

Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',

2 Timotius 1:1

En surat anio' a yaku owo, Paulus, si mamualio ruru'du'an i Kristus Yesus kumiit ing kasalé'an i Amang Kasuruan. Yaku sinisir-Na eng kumua in janji-Na wosama' sé tou maéman a si Kristus Yesus ro'na makéré ing katouan akar ing kauré-uré.

2 Timotius 1:14

Ico tinokéan in tawoien anio' puté wo si Casuruan tumoké in esa kasiyaan sosor ulit em bééna. Anaé, téiranmu sumama-sama' en itu. Wo e Roh Le'nas an atéta tumawang oka en tuméir ing kasiyaan itu.

2 Timotius 2:2

Liningamuo en sususuien si aisusuikuo an dior é tou keli. Musti isusuimu en itu a sé tou walina sé ro'na percayanmu wo sé pandéi masusui. Wo in taniitu séra ro'na sumusui sé tou walina.

2 Timotius 3:14

Taan musti timboienmu sumama-sama' en sususuien wutul itu sé tinerimamuo wo si paémanenmu. Ampa'paan kailekanmuo im butul sé tou isumusuio ai co indior anaé séra ro'na émanenmu.

2 Timotius 4:3

Émaanmu waya en itu, ampa'paan asi esa endo mengangai sa, sé tou ra'io kiim luminga in sususuien wutul itu. Taan taré towan éra sé guru sé icasalé' éra e marui in até éra ang karapi i nunuwuun manam pengalingan.

Titus 1:9

Séra ka'i musti tou wutu-wutul makiit in sususuien wutul si sususuien aisusuio ai séra. Wo in taniitu kawooan éra maké in sususuien wutul itu en sumina'u sé tou wo ka'i makawoo rumondor im bewerot é tou sé masundur in sususuien itu.

Titus 2:1

Taan ko é Titus, tioo ko meputé wo iséra! Musti susuianmu sé tou kumiit in sususuien wutul.

Titus 2:8

An tutuw ko masusui, musti pakénmu sé nunuwu' wutul wo sumoma wosama' ko ra'ica iséro' é tou. Wo in taniitu sé kaséké'mu malawi', ampa'paan ra'ica wana en andumoro' sé ra'ica loor ai cita sé ro'na ipemaa-maar oka éra.

Ibrani 10:23

Mayoo timboianta mauli-ulit em paémanen itu, tioo marua-rua wasa. Ampa'paan si Amang Kasuruan le'tek asi sapa sé aijanji-Na.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.

Wahyu 2:25

Taan téirano mangé sumama-sama' em paémanen iow itu akar Aku maai.

Wahyu 3:11

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.

Wahyu 3:3

Pena'né-na'néieno mangé en sususuien si liningao wo tinerimao miow. Émaano mangé en sususuien itu wo mape'diso mangé! Sa kamu ra'ica matéi-téir, Yaku maai oka tanu si rombit. Ra'ica kailekan iow kawisa Aku maai.