2 Timotius 1:1 - En Taar Weru a nunuwu' é Tontemboan

¹ En surat anio' a yaku owo, Paulus, si mamualio ruru'du'an i Kristus Yesus kumiit ing kasalé'an i Amang Kasuruan. Yaku sinisir-Na eng kumua in janji-Na wosama' sé tou maéman a si Kristus Yesus ro'na makéré ing katouan akar ing kauré-uré.

2 Timotius 1:1 ပူးပေါင်းရင်းမြစ်များ

Yohanes 10:28

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Yohanes 6:40

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Yohanes 6:54

Si séike' eng kuman in owak-Ku wo melep in enda'-Ku, sia makéré oka ing katouan akar ing kauré-uré wo touen-Ku oka sumawel asi endo kaka'puan ing kayo'baan.

Roma 1:1

En surat anio' a yaku owo, Paulus. Yaku anio' ata i Kristus Yesus si tinowao mamuali ruru'du'an-Na wo si sinisiro eng kumua in Abar Kaaruien i Amang Kasuruan.

Roma 5:21

Anaé, kita musti maté ampa'paan kita mengaéma' ing kamesé-meséaan. Taan si Amang Kasuruan itumambéro mai in upus-Na ai cita ampa'paano i Yesus Kristus Apo'ta akar kita nianggap wutul i Amang Kasuruan wo makéré ing katouan akar ing kauré-uré.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

1 Korintus 1:1

En surat anio' a yaku owo Paulus, si tinowao mamuali ruru'du'- an i Yesus Kristus kumiit ing kasalé'an i Amang Kasuruan. Wo en surat anio' aipaticku wo si Sostenes, poowta an esa paémanen.

2 Korintus 1:1

En surat anio' a yaku owo, Paulus si mamuali ruru'du'an i Yesus Kristus kumiit ing kasalé'an i Amang Kasuruan. En surat anio' aipaticku mewali-wali wo si Timotius poowta an esa paémanen. En surat anio' aicirim ami a sé jamaat i Amang Kasuruan ang Korintus, wo ka'i a sé tou le'nas an Akhaya.

2 Korintus 1:20

Ampa'paan pakasa en janji i Amang Kasuruan, linekepo i Apo' Yesus. Ampa'paan in ituo icuata, “Ulit” a si Amang Kasuruan ampa'paan i Yesus Kristus. Wo icami méma' taniitu wosama' si Amang Kasuruan iparayo wo pasiriin.

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Galatia 3:28

Anaé, pakasa in tou maéman a si Kristus ra'io wana em béda, mandé kai séra tou Yahudi kuma'pa tou ra'ica Yahudi, ata kuma'pa tou ra'io pakakawasan é tou walina, tuama kuma'pa wéwéné. Ampa'paan kamu im baya nianggap meputé an dior i Amang Kasuruan ampa'paano i Yesus Kristus.

Efesus 3:6

Wo si anioo em pawasa-wasan-Na sé icaenep itu: Sé tou ra'ica Yahudi kumiit makéré im bagéan asi Amang Kasuruan owo ampa'paan séra maéman in Abar Kaaruien andumoro' i Yesus Kristus. Wo séra imamualio esa owak, wo mekiit makéré ing kama-kamang sé aijanjio i Amang Kasuruan ampa'paan i Kristus Yesus.

1 Timotius 6:19

Sa séra méma' in taniitu, séra awéano esa patuuran keter an sorga, wo in taniitu ampa'paano im patuuran itu, séra ro'na makéré ing katouan si makakii-kiit mewali-wali wo si Casuruan sa.

2 Timotius 1:10

Wo intarépé' aituru'-Nao eng kaupusan-Na ai cita wo en lalanna, iwéé-Na mai ai cita si Yesus Kristus, si Lumolowirta. Sa si tou maéman in Abar Kaaruien andumoro' si Yesus Kristus, em papaté ra'ica kumawasa si tou itu taan makéré oka ing katouan akar ing kauré-uré.

2 Timotius 1:13

Anaé, kiiteno mangé en sususuien si liningamuo a yaku. En sususuien itu ulit wo ro'na mamuali andéan ai co en sumusui sé tou walina. Ico musti maéman a si Kristus Yesus wo mengaupus pakasa in tou, en itu tumuru'o sapaoka ko meesa wo si Kristus Yesus.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.

2 Timotius 2:1

Timotius, toyaangku! Si Kristus Yesus tumambéro mai in upus-Na ai co, ampa'paan in ituo pakéno en itu eng kumeter in atému.

2 Timotius 2:10

Ampa'paan in iituo aku talesen mengawuléng ing kawenduan itu wosama' sé tou sinisiro i Amang Kasuruan ro'na maéman a si Kristus Yesus wo makéré ing kalowiran ang karapi i rarayo wo in sisiri' akar ing kauré-uré.

2 Timotius 2:3

Sa en tawoienmu niéma'muo waya wo ko masusa, ico musti malese-lesen wo le'tek tanu si suraro loor i Kristus Yesus.

2 Timotius 3:15

Ta'néienmu sumama-sama', tumo'tolai ko in toyaangé', ico makaileko ing Kitap Le'nas. Eng Kitap Le'nas itu ro'na méma' ico mapinter akar ko ro'na maéman a si Kristus Yesus wo Sia ro'na lumowir ico.

Titus 1:2

Ra'ipé' niéma' i Amang Kasuruan eng kayo'baan, Sia ijumanjio sapaoka Sia méé oka mai ing katouan akar ing kauré-uré a sé im pakasa in tou. Wo en janji-Na itu tantu mamuali, ampa'paan Sia ra'ica kawisa tumowo. Wo ampa'paano im paarapen in janji e makéré ing katouan akar ing kauré-uré siituo em patuuran im pasusuiku a sé tou maéman.

Titus 1:4

Éi Titus, ico nianggapkuo toyaangku in esa, ampa'paan kita in dua puté maéman a si Kristus Yesus. Pekiupusenku a si Amang Kasuruan wo si Kristus Yesus Lumolowirta tumambérai in upus wo ing kaeluran ai co.

Ibrani 9:15

Ampa'paan in ituo, pinaalio mai i Kristus em perjanjian weru, wosama' sé tou sé tinowao i Amang Kasuruan makéré oka bagéan si akar ing kauré-uré asi janji-Na. Sé tou ro'na makéré im bagéan si akar ing kauré-uré ampa'paan si Kristus imatéo wo tumu'bus ing kamesé-meséaan sé pinengaéma' éra an tutuw im perjanjian kataré pengapakéné'.

1 Yohanes 2:25

Wo si anioo en aijanji-Nao in esa ai cita: kita menonou oka akar ing kauré-uré.