2 Tesalonika 3:9 - En Taar Weru a nunuwu' é Tontemboan

⁹ Émaan ami en itu ra'ica ampa'paan kami ra'ica wana hak en tulungen é jamaat. Taan ra'ica kiim ami e maké in hak itu. Kami re'dem matawoi in taniitu ampa'paan kami masalé' mamuali paandéan wosama' kiiten iow.

2 Tesalonika 3:9 ပူးပေါင်းရင်းမြစ်များ

Matius 10:10

Tioo ka'i kamu maali pawalunan am bawayaan, tioo ka'i kamu maali karai ipasawel, selop kuma'pa weka', ampa'paan si tou matawoi patus makéré in laasana.

Yohanes 13:15

Ampa'paan kamu winéan-Kuo paandéan loor, anaé musti émaan iow ka'i a si esa wo sé walina, kaputé si niéma'-Kuo ai camu.

1 Korintus 4:16

Ampa'paan in ituo pangilekenku ai camu wosama' kamu menonou kumiit tanu ing katouanku.

Galatia 6:6

Si tou tumerima in sususuien andumoro' in Taar i Amang Kasuruan, pakasa sé loor musti iwéténg a si tou si iméé in sususuien itu en tumawang ing kaperluan éra.

1 Tesalonika 2:6

Kami ka'i ra'ica kawisa mangéré i rarayo ai camu kuma'pa a sé tou walina. En ulitna, kami ruru'du'an i Kristus ro'na mangilek sapa-sapake' ai camu im baya.

2 Tesalonika 3:7

Ampa'paan kailekan iow in esa tambisa e musti kumiit ing katouan ami, ampa'paan an tutuw kita mewali-walipé', kami re'dem matawoi.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.

1 Petrus 5:3

Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.