2 Tesalonika 3:2 - En Taar Weru a nunuwu' é Tontemboan

² Wo ka'i isombayang angé wosama' kami cawekar asé tou sé mengaéma' ing kalicokoan wo asé tou léwo', ampa'paan ra'ica im pakasa in tou mapercaya in taar i Casuruan itu.

2 Tesalonika 3:2 ပူးပေါင်းရင်းမြစ်များ

Matius 17:17

Wo icua i Yesus, “Éi camu tou léwo' wo tou ra'ica maéman! Akar kawisa réén Aku musti mewali-wali wo icamu? Wo akar kawisa Aku musti talesen ai camu? Paalino mai si toyaang itu!”

Matius 23:23

Icawangkuro mio' kamu sé makailek wutul in Torat wo sé tou Farisi! Kamu anio' tou punek. Em pengawéé miow sanga pepulu' a si Amang Kasuruan wuéna i nanamur ruminte-rintek tanumai salasi, adas tombal wo jintan. Taan si penting keli an ukum Torat ra'ica pengaémaan iow, tanumai tioo mengarapit, mengaturu' mangé ing kaupusan a sé tou walina, kasake' le'tek maéman a si Amang Kasuruan. Pakasa en itu musti émaan iow wo tioo pelupa miow e méma' sé walina.

Lukas 18:8

Icua-Ku ai camu: Em perkara é tou sinisir-Na itu makala'us oka bélan-Na! Taan sa si Toyaang i Tou maai sumawel, ra'ipé' tantu sa Sia makérépé' tou sé maéman ai Sia ang kayo'baan anio'.”

Kisah Para Rasul 13:45

Taan an tutuw sérén é kikiiten é tou Yahudi sé tou keli itu, en até é kikiiten itu manganat keli. Anaé pakasa sé ipakua i Paulus wo si Barnabas, ipakélong wo ka'i paroros éra.

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 14:2

Taan awéan tou Yahudi sé ra'ica kiim mercaya in aicua i Paulus wo si Barnabas, séra memaso-maso' in léwo' sé tou ra'ica Yahudi wosama' icasuut éra sé poo-poow esa paémanen itu.

Kisah Para Rasul 17:5

Taan sé tou Yahudi walina manganat a si Paulus wo si Silas. Ampa'paano in itu li'usen éra sé tou léwo' am pasar sé ra'ica wana tawoien en lumicoko ing kota itu. Wo em balé i Yason sinerang éra ka'i e mangéré si Paulus wo si Silas, en urusen an dior é tou keli.

Kisah Para Rasul 25:27

Ampa'paan ra'ica patus sa si esa tou pakatangen wo icirim a si Kaisar wo ra'ica wana en aipatic andumoro' sé ipatudu a si tou itu.”

Kisah Para Rasul 28:24

Awéan sé ro'na émaanna mercaya wo ka'i awéan sé ra'ica.

Roma 10:16

Taan ra'ica pakasa en tou tumerima in Abar Kaaruien itu, tanu in aicua i nabi Yesaya, “Kasuruan, si séi e mercaya in abar si pakua ami?”

Roma 15:31

Isombayango mangé a si Amang Kasuruan wosama' téiran-Na aku am pawasan léwo' é tou ra'ica le'tek an tutuwku an Yudea. Wo ka'i sombayang angé wosama' en sumbangan aitambér é tou em paalinku mangé an Yerusalem, teriman é tou le'nas a mangé mbitu ang karapi in arui en até.

1 Korintus 15:32

Sa aku kumiitke' mako im bewerot é tou, ra'ica wana eng kalébéanku en sumundur in sé tou masalé' sumera' yaku tanuoka sé binatang léwo' ang kota Efesus. Anaé, sa sé tou imatéo ra'io touen sumawel, aweso taré kita meputé sé ipakua é tou, e makua in tana'i, “Mayo kita mengangan wo mengele-ngelep wo maaru-arui, ampa'paan asi endo woondo kita matéo.”

1 Tesalonika 2:18

Ampa'paan kami mawasao maangé ai camu, yaku in esa makapirao wona' mepé' maangé ai camu, taan pengala-ngalaanke' i kikiiten é sétang. Ampa'paano in itu, kami ra'ica icaangé ai camu.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.