2 Tesalonika 3:14 - En Taar Weru a nunuwu' é Tontemboan

¹⁴ Sa awéan tou ra'ica kiim kumiit sé aipatic ami an surat anio', kamu musti mareti-reti wo tioo makara-karapi wo si tou itu wosama' sia malawi'.

2 Tesalonika 3:14 ပူးပေါင်းရင်းမြစ်များ

Matius 18:17

Taan sa sia ra'ica kiim luminga in sina'u éra, mangéo icua a sé jamaat em perkarana itu. Wo sa ra'ica linganna ka'i en sina'u é jamaat, anggapeno mio' sia tou ra'ica makatuus si Amang Kasuruan, kuma'pa sé matagi im pajak mengauwak sé tou.

Roma 16:17

Poo-poowku, sina'uenku kamu, mareti-retio mangé a sé tou sé masalé' mengaéma' ing kapetanéan, wo sé masalé' mengasélé'kow im paémanen é tou a si Amang Kasuruan. Séra mengasusui in sususuien sé membalinaan wo in sususuien wutul sé kinéréano miow. Anaé, tumayango mangé ai séra.

1 Korintus 4:14

Aipaticku en anio' ai camu, taan ra'ica kiimku mapalawi' icamu. Aipaticku en anio' asaloke' sumina'u ai camu ampa'paan kamu caupusku, tanu toya-toyaangku in esa.

1 Korintus 5:11

Em paangé-angénku, tioo mengakarapi wo sé tou sé mengakua sapaoka sia itu poowta an esa paémanen taan em pengaémaanna cabul, rakus, mengaapo' a sé opo-opo', mengawuruk i ngaran é tou walina, lalangun kuma'pa mengauwak. Kumanke' mako mewali-wali wo sia ra'ica toro.

1 Korintus 5:9

Asi suratku indior, aipatickuo ai camu wosama' kamu tioo mengakarapi wo sé tou cabul.

2 Korintus 10:6

Wo sa kamu wutu-wutulo le'tek a si Kristus, kami tu'tul mukum pakasa in tou sé ra'ica le'tek a si Kristus.

2 Korintus 2:9

Indior aipaticku en surat ai camu e muji sa kamu wutu-wutul mengakiit sé aituru'kuo.

2 Korintus 7:15

Intarépé' makaaweso eng kaupusanna ai camu, ampa'paan sia makata'néi tambisa kamu im baya le'tek maéma' sapa sé pinangilekna wo ka'i tambisa kamu tumerima sia ang karapi wuta in siri'.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Kolose 4:16

Wo sa en surat anio' binacao an uner iow, raméjinio' icirimo mangé a sé jamaat an Laodikia wosama' bacan ka'i an uner éra. Wo en surat si aicirimku a sé jamaat an Laodikia, musti bacan ka'i an uner iow.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.

2 Tesalonika 3:6

Poo-poow, peréntan ami kamu maké ing kawasa i Apo' Yesus Kristus, wosama' tumayango mangé kamu asé poo-poow sé ra'ica kiim tumawoi wo sé ra'ica makiit in sususuien si aiwééo ami ai camu.

Titus 2:8

An tutuw ko masusui, musti pakénmu sé nunuwu' wutul wo sumoma wosama' ko ra'ica iséro' é tou. Wo in taniitu sé kaséké'mu malawi', ampa'paan ra'ica wana en andumoro' sé ra'ica loor ai cita sé ro'na ipemaa-maar oka éra.

Titus 3:10

Musti ka'i romaanmu mangé si tou maéma' ing kapetanéan an jamaat. Sa makaruao sina'uenmu sia wo ra'ica kiimna luminga, tioo ko mekarapi wo isia.

Filemon 1:21

An tutuwku imatic in surat anio', percayanku sapaoka eng kale'tekanmu émaanmu oka sapa em pinangilekku. Wo percayanku ka'i sapaoka en émaanmu lumébé mai asi pinangilekku.

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

2 Yohanes 1:10

Sa awéan tou maai ai camu wo kumua in sususuien si ra'ica meputé wo in sususuien i Kristus, tioo teriman iow sia am balé miow kuma'pa sumiri' sia.