2 Tesalonika 2:8 - En Taar Weru a nunuwu' é Tontemboan

⁸ An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

2 Tesalonika 2:8 ပူးပေါင်းရင်းမြစ်များ

Matius 13:19

En lulumbo sé irumongkor an tembir in lalan meputé wo sé tou luminga in taar andumoro' ing Kakolanoan in Sorga, taan ra'ica kaangéan éra. Wo mai si kikiiten é sétang mandét in taar itu si an untep in até éra.

Matius 13:38

En uma, siituo eng kayo'baan. Wo en lulumbo loor sérao sé toyaang ing Kakolanoan, wo eng kuung sérao sé toyaang i kikiiten é sétang.

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 16:28

En ulitna icua-Ku mangé ai camu, an unér é tou sé lumili am bia'i, awéan sé ra'ipé' maté sa ra'ipé' isuméré si Toyaang i Tou maai tanu Kolano ang Kakolanoan-Na.”

1 Korintus 1:28

Si Amang Kasuruan ka'i sumisir tou sé paweroten ing kayo'baan tou wawa', sé ra'ica pasiriin wo sé ra'ica wana torona. Sinisir-Na séra e méma' sé tou paweroten ing kayo'baan tou pasiri-siriin, émaan-Na uli-ulit ra'ica wana torona.

2 Tesalonika 2:3

Tioo kamu kauwakan é tou sapake' mangé en lalanna. Ampa'paan an tutuw ra'ipé' mai si Apo' Yesus, tantu mamuali owo sé andumoro' in anio': Keli sé tou maéman mamualio léwo' wo kumélong si Casuruan. Wo awéan si tou luméwo-léwo' mai mapaturu' in owakna, si tou itu aitantuo yuntep ang kayo'baan é tou imatéo.

1 Timotius 6:14

wosama' kiitenmu wutu-wutul pakasa em perénta si aicuaku anio', ra'ica toro icélongmu. Anaé ko ra'ica wana kaséaan akar si Apo' Yesus Kristus maai sumawel.

2 Timotius 1:10

Wo intarépé' aituru'-Nao eng kaupusan-Na ai cita wo en lalanna, iwéé-Na mai ai cita si Yesus Kristus, si Lumolowirta. Sa si tou maéman in Abar Kaaruien andumoro' si Yesus Kristus, em papaté ra'ica kumawasa si tou itu taan makéré oka ing katouan akar ing kauré-uré.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

Ibrani 10:27

taan asalo oka maento-ento' in ukuman si kaindéén oka mai ang karapi in api mengembu-ngembung si ra'io icakua en tumunu oka pakasa in tou sé masundur si Amang Kasuruan.

1 Yohanes 2:13

Aipaticku ka'i ai camu, éi amang-amang, ampa'paan kinatuusano miow Sia si awéano asi kataré-taré an tutuw ra'ipé' niéma' eng kayo'baan. Aipaticku ka'i ai camu, éi tou wo'bas, ampa'paan kinalao miow si léwo'.

1 Yohanes 3:12

Kita ra'ica toro kaputé i Kain si kinawasa i kikiiten é sétang, wo imaté si tuarina in esa. Kéitu réén pinaténa si tuarina itu? Ampa'paan pakasa sé niéma'na itu léwo' wo sé niéma' ituarina itu wutul.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.

Wahyu 1:16

Wo eng kama kakan-Na makatimboi sé pitu sumesendot, wo am ba'ba'-Na makakesot esa sa'bel rua en telewa. Eng gio-Na matélang tanuoka si yéndo asi katoora in endo.

Wahyu 13:5

Asi binatang itu winéan wa'ba' si wuta ing katirayoan wo mengaojat. Wo sia winéano ka'i kawasa e méma' ing kasalé'- anna epat ngapulu' rua ngaserap eng kauréna.

Wahyu 19:15

Wo am ba'ba'-Na makesotai esa sa'bel telew si kumala oka pakasa im bangsa. Peréntan-Na oka séra maké im beka' bési wo Sia in esa en tumepes im bua'na in anggor am patepesan ing kae'bowan i Amang Kasuruan Si Makakawasa.

Wahyu 2:16

Ampa'paan in itu mape'diso mio'! Sa kamu ra'ica mape'dis, yaku makala'us oka maai ai camu wo perangen-Ku oka sé tou itu maké in sa'bel makakesot am ba'ba'-Ku.

Wahyu 20:10

Wo si kikiiten é sétang si sumélé'kowo sé tou itu, iténdél an untep in ta'sic api wo walélang. An tampa ituo en tinéndélan si binatang wo si nabi ra'ica wutul. Wo am bitu séra niokoi endo wo em bengi akar ing kauré-uré.