2 Tesalonika 2:7 - En Taar Weru a nunuwu' é Tontemboan

⁷ Si tou luméwo-léwo' itu mato'tolo matawoi taan maene-enepé' ampa'paan awéané' en itumang. Taan awéan en orasna si menanang sia itu patén.

2 Tesalonika 2:7 ပူးပေါင်းရင်းမြစ်များ

Kisah Para Rasul 20:29

Kailekanku sa kamu itela'uku, sé tou i makaperi meputé wo sé serigala luméwo-léwo' muntep oka an uner iow. Raméjin éra tumeri sé jamaat si pakatéiran iow itu.

2 Tesalonika 2:6

Wo intarépé' kinailekano miow sapa en tumang si tou luméwo-léwo' itu, akar sia mapaturu' oka sa an oras si aitantuo i Amang Kasuruan ai sia.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

1 Yohanes 2:18

Toya-toyaangku, asi oras anio' makatawio en endo kaka'puan ing kayo'baan. Wo sumangkumo lininga miow sapaoka maai oka si kaséké' i Kristus, wo intarépé' kelio sé kaséké' i Kristus mapaturu'o mai. Wo in taniitu kakailekantao sa si endo kaka'puan ing kayo'baan makatawio.

1 Yohanes 4:3

Taan si tou ra'ica mangaku andumoro' si Yesus, sia ra'ica makaanu i Roh asi Amang Kasuruan owo. E roh asi tou itu roh i kaséké' i Kristus. Tantu liningao miow sapaoka e roh itu maai oka wo intarépé' sia ang kayo'baano anio'.

Wahyu 17:5

An tuintungna pinatican esa ngaran eng kaangéanna ayenepé'. En aipatic tana'i, “Yaku si Babel wangker, inang im pakasa é wéwéné sundal, palemboian im pakasa é léwo' ang kayo'baan.”

Wahyu 17:7

Wo icua i malaékat a yaku, “Kéitu réén ko mangaya-ngaya'ka'? Isisilku oka ai co eng kaangéanna sé aicaenepé' andumoro' i wéwéné wo si binatang pakasakéanna si binatang pitu en do'kos wo sangapulu' en sungé.”