2 Tesalonika 2:3 - En Taar Weru a nunuwu' é Tontemboan

³ Tioo kamu kauwakan é tou sapake' mangé en lalanna. Ampa'paan an tutuw ra'ipé' mai si Apo' Yesus, tantu mamuali owo sé andumoro' in anio': Keli sé tou maéman mamualio léwo' wo kumélong si Casuruan. Wo awéan si tou luméwo-léwo' mai mapaturu' in owakna, si tou itu aitantuo yuntep ang kayo'baan é tou imatéo.

2 Tesalonika 2:3 ပူးပေါင်းရင်းမြစ်များ

Yohanes 17:12

Ang kauré-Ku imewali-wali wo iséra, tinéiran-Ku mai séra ang karapi ing kawasa-Mu si aiwéé-Mu a Yaku, wosama' ra'ica wana esaan tou ai séra e maté, aluar si esa si aitantuo imaté. Wo in taniitu sapa si aipatico ang Kitap Le'nas imalekepo.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

Efesus 5:6

Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

1 Yohanes 2:18

Toya-toyaangku, asi oras anio' makatawio en endo kaka'puan ing kayo'baan. Wo sumangkumo lininga miow sapaoka maai oka si kaséké' i Kristus, wo intarépé' kelio sé kaséké' i Kristus mapaturu'o mai. Wo in taniitu kakailekantao sa si endo kaka'puan ing kayo'baan makatawio.

1 Yohanes 4:3

Taan si tou ra'ica mangaku andumoro' si Yesus, sia ra'ica makaanu i Roh asi Amang Kasuruan owo. E roh asi tou itu roh i kaséké' i Kristus. Tantu liningao miow sapaoka e roh itu maai oka wo intarépé' sia ang kayo'baano anio'.

Wahyu 17:11

Si binatang itu indior awéano taan intarépé' ra'io wana, sia in esao si kolano kawalu. Sia esaan asé pitu kolano itu ka'i wo sia maangém am papaté.

Wahyu 17:8

Si binatang si sinérému itu, indior awéan taan intarépé' ra'io wana. Wo sia mapaturu' oka ang kepal im papaté wo sia maangém am papaté. Sé tou i menonou ang kayo'baan e ngaran éra ra'ica aipatic an untep ing kitap ing katouan tumo'tolai eng kayo'baan anio' niéma', séra mangaya-ngaya'ka' oka an tutuw suméré si binatang itu, ampa'paan si binatang itu indior awéan taan intarépé' ra'io wana, taan mapaturu' oka sumawel.