2 Tesalonika 1:9 - En Taar Weru a nunuwu' é Tontemboan

⁹ Séra makéré oka ukuman asi Casuruan owo akar ing kauré-uré. Séra yusér i Casuruan tayang an dior-Na wo ra'io ka'i suméré ing kawangko' ing kawasa-Na.

2 Tesalonika 1:9 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 22:13

Wo icua i colano a sé atana, ‘Wa'keseno eng kécéi wo eng kama i tou itu wo iwangkilo mangé sia an tampa riréimbeng. A mangé mbitu kalingaan oka en amé' wo eng kare'ket im baang.’

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Matius 7:23

Asi oras ituo, icua-Ku oka ai séra ang karapi ra'ica ipaene-enep, ‘Ra'ica katuusan-Ku kamu! Tumayango mangé an dior-Ku, kamu im baya sé mengaéma' ing kaléwo-léwo'an!’ ”

Lukas 13:27

Taan icua i makawalé itu ai camu, ‘Ra'ica katuusan-Ku kamu am bisa owo mai! Mangém kamu im baya sé mengaéma' ing kaléwo-léwo'an.’

Yohanes 5:14

Kekawus in itu si Yesus meta'up wo si tou itu am Balé Le'nas wo icua-Na ai sia, “Ta'néino mangé, ico imasama'o. Yentoo mio' mengaéma' ing kamesé-meséaan wosama' eng kawenduan si lébé uterai ra'ica pendamenmu sa.”

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

1 Tesalonika 5:3

Awéan en orasna sé tou eng kumua in tana'i, “Eng katouanta arui wo elur, ra'ica toro maindé-indé'.” Taan tumarépé'anke'mai séra tenan oka ing kawenduan meputé wo ing kawenduan si pinendam i wéwéné an tutuw i makéré toyaang. Sé tou itu ra'ica wana en icawekar asi kawenduan itu.

2 Tesalonika 2:8

An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

Ibrani 10:29

Anaé, ro'nao kawerotanta tambisa eng kauter in ukuman a sé tou sé maepes im beren asi Toyaang i Amang Kasuruan wo maanggap ra'ica wana wééna en enda' perjanjian si ro'na meresi ing kamesé-meséaan éra, wo sé mengaroros i Roh e mawéé in upus tatambér ai cita.

2 Petrus 2:17

Sé guru ra'ica wutul itu, tanuoka im palemboian in dano imaperao kuma'pa tanuoka ing kambung riréimbeng iwalike' in deges repet. Séra itu aitu'tulo i Amang Kasuruan tampa ang kariréimbengan ulit.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

Yudas 1:13

Séra itu tanuoka in sempa' wangker si tumela'u in lewa' wo i noo an ta'sic. Séra itu ka'i tanuoka sé sumesendot sé ra'ica metu'tul si asalo mengéra-ngéra en tampana. En tampa é tou itu tinu'tulo i Amang Kasuruan asi tampa uli-ulit riréimbeng akar ing kauré-uré.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 20:14

Kekawus in itu, em papaté wo eng kakolanoan im papaté iténdél an untep in ta'sic api. En ta'sic api ituo en tampa ukuman si patuulen papaté karua.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.