2 Tesalonika 1:8 - En Taar Weru a nunuwu' é Tontemboan

⁸ Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

2 Tesalonika 1:8 ပူးပေါင်းရင်းမြစ်များ

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Yohanes 3:19

Si anioo e mangémai si Amang Kasuruan mukum sé tou ang kayo'baan anio': En sendot mayo ang kayo'baan, taan sé tou masalé'ke' ing kariréimbengan, ra'ica masalé' in sendot itu, ampa'paan séra masalé-salé'ke' mengaéma' ing kaléwo-léwo'an.

Yohanes 8:19

Wo icua éra ai Sia, “Am bisa réén si Amang-Mu?” Isowat i Yesus ai séra, “Kamu ra'ica makatuus Yaku, wo ka'i ra'ica makatuus si Amang-Ku. Sa kamu makatuus Yaku, tantu katuusan ka'i miow si Amang-Ku.”

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 10:16

Taan ra'ica pakasa en tou tumerima in Abar Kaaruien itu, tanu in aicua i nabi Yesaya, “Kasuruan, si séi e mercaya in abar si pakua ami?”

Roma 15:18

Taan aku ra'ica rumayo andumoro' in owakku, en rayoku asaloke' andumoro' sé niéma' i Kristus, akar ro'na iwaliku sé tou ra'ica Yahudi male'tek a si Amang Kasuruan ang karapi i nunuwu'ku wo im pengaémaanku,

Roma 16:26

Taan intarépé', ampa'paano im perénta i Amang Kasuruan si menonou akar ing kauré-uré, si paene-enep-Na itu aituru'o wo aicuao a sé im pakasa in suku maké ing kitap-kitap sé aipatico é nabi, wosama' séra maéman wo le'tek a si Amang Kasuruan.

Roma 6:16

Tantu kailekan iow, sa kamu imééo in owak a si esa tou e méma' ing kasalé'anna, kamu mamualio ata i tou itu. Taniituo ka'i sa kamu kumiit ing kasalé'an ing kamesé-meséaan, kamu mamualio ata ing kamesé-meséaan, eng kasiwakanna kamu tumerima im papaté. Sa kamu le'tek a si Amang Kasuruan, kamu mamuali ata-Na wo nianggap-Na wutul an dior-Na.

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

2 Korintus 10:5

Tangkisen ami em pawasa-wasan léwo' wo tongkaren ami em bénténg-bénténg ing katirayoan é tou sé mengaéma' séra ra'ica makatuus si Amang Kasuruan. Kawasan ami em bewerot é tou wo maali iséra le'tek a si Kristus.

Galatia 3:1

Éi tou Galatia sé bodok! Si séi réén e muwak icamu? Ra'ica réén aisisilkuo ai camu indior ang karapi i makakii-kiit andumoro' i Yesus Kristus si aisalipo?

Galatia 4:8

Indior an tutuw iow ra'ipé' makatuus si Amang Kasuruan, kamu mengaata in owak a sé opo-opo' sé wutu-wutul ra'ica Amang Kasuruan.

1 Tesalonika 4:5

Tioo kamu menonou kumiit ing kasalé'an in owak sé ra'ica wutul, wayake' sé tou ra'ica makatuus si Amang Kasuruan si mengaéma' in tanu siitu.

Ibrani 10:27

taan asalo oka maento-ento' in ukuman si kaindéén oka mai ang karapi in api mengembu-ngembung si ra'io icakua en tumunu oka pakasa in tou sé masundur si Amang Kasuruan.

Ibrani 10:30

Ampa'paan katuusanta si Amang Kasuruan si cumua in tana'i, “Yakuo en awéan hak en sumuli' ing kaléwo'an. Yaku in esa oka en sumuli'.” Wo ka'i awéan aipatic in tana'i, “Si Casuruan oka e makim sé tou-Na.”

Ibrani 11:8

Ampa'paan si Abraham awéan paémanen, kiniitanna si Amang Kasuruan an tutuw sia tinowa wo airu'du' mangé asi esa tampa si mamuali oka bagéanna. Wo sia mangé mandé ra'ica kailekanna am bisa en tampa angéanna.

Ibrani 12:29

Ampa'paan si Amang Kasuruan si paapo'anta itu, Sia tanuoka in api mengatunu im baya-waya.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

1 Petrus 1:2

Icamu sinisir i Amang Kasuruan, Amangta, tumo'tolke' mai indior kumiit im pawasa-wasan-Na. Wo kamu niéma' i Roh Le'nas mamuali le'nas wosama' kamu le'tek maéma' ing kasalé'an i Yesus Kristus wo eng kamesé-meséaan iow ka'i weresin-Na ang karapi in enda'-Na. Pekiupusenku a si Amang Kasuruan wosama' émaan-Na mai eng katouan iow elu-elur wo méé mai ing kamang si kumeli-keli ai camu.

1 Petrus 3:6

En andéanna si Sara. Sia itu uli-ulit le'tek wo mengaéma' sapa si airu'du' i penanaanna, wo pengatuulenna ka'i si Abraham penanaanna itu tuang. Wo kamu é wéwéné, kamu ro'na patuulen taranak i Sara, sa mengaéma' in loor wo ra'ica maindé' mandé awéan e me'teng icamu.

1 Petrus 4:17

Ampa'paan intarépé' an témponao pakasa in tou akimen i Amang Kasuruan wo eng kataré akimen-Na, sé tou-Na in esa. Wo sa kita sé tou-Na eng kataré akimen-Na, tambisa réén e mamuali sa a sé tou sé ra'ica maéman in Abar Kaaruien-Na?

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

Yudas 1:7

Taniitu ka'i eng kota Sodom wo eng Gomora wo sé kota an sangkumna. Sé tou a mangé mbitu mengaéma' sé meputé wo im pinengaéma' é malaékat itu, ampa'paan séra mengabersina wo maéma' ing kasalé'an in owak sé ra'ica loor. Ampa'paan in itu séra makéré in ukuman an api si ra'ica mape'de-pe'del akar ing kauré-uré, en itu mamuali popokéi a sé pakasa in tou.

Wahyu 20:10

Wo si kikiiten é sétang si sumélé'kowo sé tou itu, iténdél an untep in ta'sic api wo walélang. An tampa ituo en tinéndélan si binatang wo si nabi ra'ica wutul. Wo am bitu séra niokoi endo wo em bengi akar ing kauré-uré.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”

Wahyu 6:10

Wo sé mu'kur itu kumua in taangko' keli, “O Kasuruan Si Makakawasa si le'nas wo wutul! Urépé' réén sé tou ang kayo'baan akimen i Casuruan? Wo kawisa réén suliin-Mu sé tou imaté icami?”