2 Tesalonika 1:11 - En Taar Weru a nunuwu' é Tontemboan

¹¹ Ampa'paan in itu ipenomba-nombayang ami kamu wosama' kamu anggapen i Amang Kasuruanta patus towan-Na, wosama' lekepen-Na eng kasalé'an iow e méma' sé loor ang karapi ing kaketeran-Na wo lekepen-Na ka'i pakasa en tawoien im paémanenmu.

2 Tesalonika 1:11 ပူးပေါင်းရင်းမြစ်များ

Markus 4:28

Ampa'paan en tana' in esa eng kumesot im buéna. Kataré itouna mai en sééna, kumiitai rondorana wo kumiitai itu wua'na si matu-watu.

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Roma 1:9

Kamu ipenomba-nombayangku wo si Amang Kasuruano en sairi sapaoka aku uli-ulit mengasombayang torona miow. Siao si Amang Kasuruan si pengaselewiranku ang karapi in lekep en até an tutuwku mengakua in Abar Kaaruien andumoro' i Toyaang-Na.

Roma 11:29

Ampa'paan sa si Amang Kasuruan itumowa tou e mamuali tou-Na wo tambéran-Na in upus, ra'ica kawisa wo roban-Na sé pinusé'-Nao itu.

Roma 15:14

Poo-poowku an esa paémanen, uli-ulit percayanku sapaoka kamu iméma'o ing keli kalooran. Kamu ka'i kelio eng kakailekan andumoro' in sususuien i Amang Kasuruan, wo makawoo mensin-sina'uan si esa wo si esa.

Roma 8:30

Wo séra sé aitantuo i Amang Kasuruan asi kataré-taré, séra tinowa-Na. Wo séra sé tinowa-Na, séra itu nianggap-Na wutul. Wo séra sé nianggap-Na wutul, séra ka'i wéan-Na in darayo wo in sisiri'.

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

Efesus 1:16

yaku ra'ica mento' mengua-ngua i makapulu'sama' a si Amang Kasuruan ampa'paan icamu. Wo susurku in sumombayang, kamu pena'né-na'néienku.

Efesus 1:5

Si Amang Kasuruan mengaupus icita, ampa'paan in ituo tumo'tolke' mai indior aitantu-Nao kita mamuali toya-toyaang-Na ampa'paan i Yesus Kristus. Wo siituo en aitantu-Na kumiit ing kasalé'an-Na.

Efesus 1:9

Intarépé' em pawasa-wasan itu aicua-Nao ai cita kumiit ing kasalé'an-Na, siituo si pawasan indior si pakaenepé' a sé tou. Wo em pawasa-wasan-Na itu pinusé'-Nao lekepen oka i Kristus.

Filipi 1:6

Si Amang Kasuruan in esao en tumo'tol in tawoien loor itu an uner iow, anaé wutu-wutul percayanku ilala'us-Na oka en tawoien anio' akar asi endo i Kristus Yesus maai sumawel.

Filipi 2:13

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Filipi 3:14

Wo aku menéro-néron akar in angéan ing ka'karan e makéré in laasa an sorga. Torona in ituo si Amang Kasuruan itumowao icita sé meesao wo si Kristus Yesus.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

2 Tesalonika 1:5

Pakasa en itu mamuali tuus si Amang Kasuruan makim sé tou ang kerapi in da'ica marapit. Kamu intarépé' niokoio ampa'paan ing Kakolanoan i Amang Kasuruan wo ampa'paano in itu kamu ka'i patus muntep ang Kakolanoan-Na.

2 Tesalonika 2:14

Torona ing kalowiran ituo, akar tinowa-Na kamu an tutuw ami makua in Abar Kaaruien andumoro' i Yesus Kristus ai camu. Wo in taniitu kamu ro'na makéré i rarayo wo in sisiri' ang karapi i Yesus Kristus, Apo'ta.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

Wahyu 3:4

Taan an Sardis awéané' sé tou sé ra'ica kumotor ing karai éra. Séra maya' oka mewali-wali wo Yaku mekarai ing karai kulo', ampa'paan séra patus tumerima in itu.

Wahyu 5:10

Séra itu niéma'-Muo mamuali esa kakolanoan, wo mamuali imam-imam i Amang Kasuruanta. Wo séra merénta oka tanu kolano ang kayo'baan.”