2 Petrus 3:9 - En Taar Weru a nunuwu' é Tontemboan

⁹ Awéan tou mawerot si Amang Kasuruan mauré-urépé' lumekep in janji-Na sapaoka si Kristus maai sumawel, taan en ulitna Sia talesen mengento-ngento' icamu mape'dis ampa'paan ra'ica icasalé'-Na sa awéan esake' ai camu meta'up im papaté. Taan en icasalé'-Na wosama' pakasa in tou ra'io mengéma-ngéma' ing kamesé-meséaan wo maréng sumawel méma' ing kasalé'an-Na.

2 Petrus 3:9 ပူးပေါင်းရင်းမြစ်များ

Roma 13:11

Anaé, musti émaan iow sapa sé aicuakuo ai camu, ampa'paan kailekan iow sapaoka en orasna ra'io uré. Kamu ayandéku kaputé é tou makatekelé', ampa'paan in ituo tumooro. Ampa'paan eng kalowiran makatawio ai cita intarépé', sa en oras itu ipeputé an tutuw kita werupé' maéman.

Roma 13:12

Em bengi tawio lumangkoi wo ra'io uré mandoo. Ampa'paano in itu mayoo tela'u waya sé léwo' tanu im pengaémaan é tou menonou ang kariréimbengan, wo timboiano em pakakas ipaperang ang kasendotan.

Roma 2:4

Si Amang Kasuruan itu en até-Na sama', talesen wo wuta ing kaupusan. Taan tioo paepesen iow im beren em pakasa in itu wo mawerot ra'io sangali mape'dis! Ra'ica réén kailekan iow sapaoka ituru' i Amang Kasuruan eng kasamaan in até-Na itu wosama' kamu mape'dis ang kamesé-meséaan?

Roma 9:22

Taniituo ka'i sapa sé niéma' i Amang Kasuruan. Sia awéan hak en tumuru' ing kae'bowan-Na wo tumuru' ing kakawasaan-Na. Taan Sia tumuru' ing katalesenan-Na a sé tou sé tu'tulo im patén ampa'paan méma' Sia mae'bow.

1 Timotius 1:16

Mandé ka'i in taniitu, aituru' i Amang Kasuruan eng kaupusan-Na akar turu' i Kristus Yesus eng katalesenan-Na a yaku si tou keli kamesé-meséaan. Wo in taniitu aku mamuali pengaandéan é tou walina sé mengaéma' ing kamesé-meséaan, wosama' séra ka'i ro'na maéman a si Yesus wo makéré ing katouan akar ing kauré-uré.

1 Timotius 2:4

wo icasalé'-Na ka'i wosama' pakasa in tou malowir wo makailek in sususuien wutul.

Ibrani 10:37

Ampa'paan awéan aipatic ang Kitap Le'nas in tana'i, “Ra'io uré Sia si maai itu maayo, wo ra'io mauré-uré.

1 Petrus 3:20

Sé roh itu, roh é tou ra'ica le'tek asi Amang Kasuruan an jaman i Nuh. Ang karoro'an i Nuh maéma' ing kapal wangker, si Amang Kasuruan talesen maento-ento' sé tou e mape'dis mengéma-ngéma' ing kaléwo-léwo'an. An tutuw en sonop wangko' itu imayo, wayake' i walu tou sé malowir asi sonop wangko' itu. Sérao sé an untep ing kapal wangker itu.

2 Petrus 1:4

Tanu siituo si Amang Kasuruan méé mai kamang lumoo-loor wo wutu-wutul awéan wééna ai cita tanu si aijanji-Nao. Asé kama-kamang aitambér-Na ituo, kamu ro'na icawekar ang kasalé'an léwo' si mengaléwo' im peri é tou ang kayo'baan, wo em peri miow ro'na mamuali tanuoka im peri i Amang Kasuruan.

2 Petrus 3:15

Anggapeno mio' eng katalesenan i Casuruanta itu iméé témpo a sé tou e mape'dis wo makéré ing kalowiran. Si Paulus poowta si ipaupu-upus ka'i matico tanu siitu ai camu imaké ing kapinteran a si Amang Kasuruan owo.

Wahyu 2:21

Winéan-Kuo témpo si wéwéné itu e mape'dis, taan ra'ica yento'na mengéma-ngéma' sé andumoro' in cabul.