2 Petrus 3:17 - En Taar Weru a nunuwu' é Tontemboan

¹⁷ Taan kamu é poo-poow sé icaupusku, kailekano miow andumoro' sé itu. Ampa'paano in itu, mareti-retio mangé in sususuien é guru ra'ica wutul itu, wosama' kamu ra'ica kumiit in sususuien éra wo kamu ra'ica mekar im paémanen iow.

2 Petrus 3:17 ပူးပေါင်းရင်းမြစ်များ

Matius 16:11

Tambisa réén akar ra'ica kaangéan iow sapaoka sé pengua-ngua-Ku ai camu ra'ica andumoro' i roti? Maténga-téngamo mangé andumoro' i ragi é tou Farisi wo Saduki!”

Matius 16:6

Icua i Yesus ai séra, “Matéi-téiro wo maténga-téngamo andumoro' i ragi é tou Farisi wo Saduki.”

Matius 7:15

“Maténga-téngamo mangé a sé nabi ra'ica wutul. Séra maai ai camu tanuoka domba, taan en ulitna séra itu serigala léwo'.

Kisah Para Rasul 2:42

Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.

Roma 16:18

Ampa'paan sé tou tanu siitu ra'ica matawoi sumelewir si Kristus Apo'ta, taan séra matawoi asalo makiit ing kasalé'an éra in esa. Séra maroma' mapaké i roroma' matawér wo nunuwu' sé manam palingan, akar séra imuwako sé tou sama' en até.

1 Korintus 10:12

Ampa'paano in itu, si séi e mawerot em paémanenna ketero, sia musti mareti-reti wosama' sia ra'ica taporak méma' ing kamesé-meséaan.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

Galatia 5:4

Sa kamu rumaméji nianggap-Na wutul ampa'paan mengaéma' in ukum Torat, kamu aicatanéo wo si Kristus. Wo in taniitu icélong iow en upus aitambér i Amang Kasuruan.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

Filipi 3:2

Mareti-retio mangé kamu a sé tou sé mengaéma' in léwo', sé patus patuulen asu wo sé malesé' sé tou maéman a si Kristus en sunaten.

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

2 Timotius 4:15

Sia uli-ulit mengakélong in sususuien si aisusuitao. Ampa'paan ituo ko musti mareti-reti ai sia.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

1 Petrus 5:9

Musti sunduren iow si kikiiten é sétang ang karapi im paémanen keter. Ampa'paan kailekan iow ka'i sapaoka sé poo-poow iow an esa paémanen am bisa-wisa ang kayo'baan imendamo ing kawenduan meputé im pinendam iow.

2 Petrus 2:7

Taan si Lot linowir i Amang Kasuruan, ampa'paan sia tou si mengaéma' im butul an dior-Na. En até i Lot ra'ica mento' mawendu ampa'paan im paémaan é tou sé ra'ica makailek in ukum wo asalo makiit ing kasalé'an in owak sé ra'ica loor.

2 Petrus 3:1

Poo-poow sé icaupusku, en surat aipaticku anio' ai camu, suratkuo ing karua. Asé rua surat aipaticku itu, aku rumaméji méé tata'néi e muka' im paweroten iow wosama' kamu mengawerot maké i ngaas weresi.

Wahyu 2:5

Ampa'paan in itu, ta'néieno am bisa owo en linepokan iow wo mape'diso mangé. Wo émaano mangé tanu sé niéma' miow indior tutuw iow werupé' maéman. Sa kamu ra'ica mape'dis, Yaku maai oka ai camu, wo mindo in totombol patuliran in sosoloan iow an tampana.