2 Petrus 3:16 - En Taar Weru a nunuwu' é Tontemboan

¹⁶ Si Paulus matic andumoro' in itu am pakasa in suratna. Wo an surat-suratna itu awéan sé ra'ica kaangéan, akar sé tou sé ra'ica makailek andumoro' in itu wo sé tou ra'ica keter em paémanen a si Amang Kasuruan, séra mengasali'si' im peangé-angén i Paulus itu. Taniitu ka'i andumoro' in Taar i Amang Kasuruan ang kitap-kitap walina, pengasali'si' éra. Sé niéma' éra itu makawali séra am papaté éra in esa.

2 Petrus 3:16 ပူးပေါင်းရင်းမြစ်များ

Matius 15:3

Taan icua i Yesus, “Kéitu réén kamu ka'i ra'ica makiit im perénta i Amang Kasuruan asaloke' makiit ing kanaramen é apo-apo' miow?

Matius 15:6

ra'io sangali pandungenna eng kaperluan i amangna kuma'pai i nangna. Wo in taniitu, en taar i Amang Kasuruan ra'io pengakiiten iow, em pengakiiten iow asaloke' ing kanaramen iow.

Matius 22:29

Wo isowat i Yesus ai séra, “Isuméa' keli kamu, ampa'paan ra'ica pangartian iow eng Kitap Le'nas wo ka'i ra'ica kailekan iow eng kakawasaan i Amang Kasuruan.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

Ibrani 5:11

Keliané' sé musti icua ami in andumoro' in itu, taan susa en sumisil ampa'paan kamu ngenger makailek.

Yakobus 1:8

Ampa'paan si tou marua-rua até, em pakawerotna ra'ica le'tek a si Casuruan, siituo eng katouanna ra'ica elur.

1 Petrus 1:1

En surat anio' a yaku owo Petrus, si ruru'du'an i Yesus Kristus. En surat anio' aipaticku ai camu sé tou sinisir i Amang Kasuruan e mamuali anu-Na. Icamu anio' asalo imanangkéi wo maento' an uner é tou sé ra'ica maéman wo isumeraro an sangkum im Pontus, Galatia, Kapadokia, Asia Teké' wo am Bitinia.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.

2 Petrus 2:1

Indior, an uner é tou i Amang Kasuruan, imapaturu'o sé nabi ra'ica wutul. Tanu siituo ka'i an uner iow, mapaturu' oka mai ka'i sé guru ra'ica wutul. Em paangé-angén éra en sumusui in sususuien mengasélé'kow si mengawali sé tou am papaté. Sé guru ra'ica wutul itu mengakélong si Apo' Yesus si Makakawasa si tumu'buso ing kamesé-meséaan éra. Ampa'paano in itu, séra makala'us oka patén.

2 Petrus 2:14

Em beren éra masalé' menéré-néré sé wéwéné akar masalé' mengabersina wo ra'ica mengasuut mengaéma' ing kamesé-meséaan. Wo séra matawér sé tou ra'ipé' talos maéman a si Apo' Yesus wosama' icasélé'kow. En até éra itu manaramo menonou ang kalongi'an. Wo séra ituo sé tou kinutuk.

2 Petrus 3:14

Ampa'paan in ituo é poo-poow sé caupusku, ang karoro'an iow maento-ento' im pakasa itu mamuali, kamu musti rumaméji menonou le'nas wo ra'ica wana kaséaan an dior i Amang Kasuruan wo meeluran ang karapi-Na.

2 Petrus 3:2

Icasalé'ku kata'néian iow en taar sé aicuao é nabi le'nas indior wo ka'i mena'né-na'néi em perénta i Apo' Yesus si Lumolowirta, sé aicuao é ruru'du'an-Na ai camu.

Yudas 1:4

Icuaku in taniitu, ampa'paan awéan tou sé sumolisipo mai an uner iow. Séra itu sé tou ra'ica makiit in lalan i Casuruan. Séra itumerimao in upus aitambér i Amang Kasuruan taan ra'ica pengakiiten éra eng kasalé'an-Na, wo isuméa' mengapaké in upus aitambér-Na itu wosama' ro'na isalu éra eng kasalé'- an in owak éra sé ra'ica loor. Wo ka'i ra'ica pangakun éra sapaoka wayake' si Yesus Kristus si Makakawasa wo Apo'ta. Sé tou tanu isérao sé indioré'wo aitantuo makéré oka in ukuman.