2 Petrus 3:11 - En Taar Weru a nunuwu' é Tontemboan

¹¹ Anaé, sa em pakasa pakateri-terin oka tanu siitu, tumambisa réén kamu musti menonou intarépé'? Tantu musti menonou le'nas wo le'tek a si Amang Kasuruan.

2 Petrus 3:11 ပူးပေါင်းရင်းမြစ်များ

Matius 8:27

Sé tou itu ka'i mangaya'ka' wo kumua, “Tou tanu sapa réén Sia, akar en deges wo en lour ka'i kumiit im perénta-Na?”

Roma 13:11

Anaé, musti émaan iow sapa sé aicuakuo ai camu, ampa'paan kailekan iow sapaoka en orasna ra'io uré. Kamu ayandéku kaputé é tou makatekelé', ampa'paan in ituo tumooro. Ampa'paan eng kalowiran makatawio ai cita intarépé', sa en oras itu ipeputé an tutuw kita werupé' maéman.

Roma 13:12

Em bengi tawio lumangkoi wo ra'io uré mandoo. Ampa'paano in itu mayoo tela'u waya sé léwo' tanu im pengaémaan é tou menonou ang kariréimbengan, wo timboiano em pakakas ipaperang ang kasendotan.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 3:20

Taan icita imamualio tou in sorga. Wo an sorga itu owo, maai oka si Lumolowir si paento-entoonta, Siao si Apo' Yesus Kristus.

1 Tesalonika 1:5

Kailekan ami en itu ampa'paan asi makasa kami mangé ai camu an Tesalonika e mangé kumua in Abar Kaaruien andumoro' i Yesus Kristus. An tutuw itu kami ra'ica asaloke' maké i nunuwu' ami, taan ang karapi ing kawasa i Casuruan wo ang karapi i Roh Le'nas si méma' icamu uli-ulit mercaya in Abar Kaaruien andumoro' i Yesus Kristus itu. Wo sinéréo ka'i miow em peri ami. Anaé, kailekano miow sapaoka en Abar Kaaruien itu wutul.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

1 Timotius 4:12

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

1 Timotius 6:3

Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',

1 Timotius 6:6

En ulitna sa sé tou uli-ulit mengaapo' a si Amang Kasuruan wo ka'i makapendam in arui asi sapake' in anuna, sia makéréo kamang wangko'.

Ibrani 13:5

Tioo kamu mamuali ata in doit, taan sapa sé awéano ai camu atoren sumama-sama' en itu aweso ai camu. Ampa'paan si Casuruan icumuao, “Ico ra'ica kawisa iwekar-Ku, wo ico ra'ica kawisa itela'u-Ku.”

Yakobus 1:24

kumawusai sia ruma'da ing giona wo itumela'u in cermin itu, ailupanao tambisa eng giona.

Yakobus 3:13

Sa an esaan ai camu awéan kapinteran asi Amang Kasuruan owo wo keli eng kakailekan, musti ituru'na ang karapi i menonou in loor. Sia musti méma' in loor ang karapi ing kako'kosan in até si mai ang kapinteran i Casuruan owo.

1 Petrus 1:15

Taan aweso taré le'nasen iow pakasa eng katouan iow meputé si Amang Kasuruan le'nas, si tumowao icamu.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

2 Petrus 1:3

Si Amang Kasuruan makaanu ing kawasa wangko', wo pakén-Na eng kawasa itu e méé im pakasa sé paperlunta wosama' kita menonou le'tek ai Sia. Pakasa sé paperlunta aiwéé-Na ampa'paan kita makatuuso ai Sia, si tumowao icita e makéré im bagéan a rarayo wo in sisiri'-Na wo ang kalooran-Na.

2 Petrus 1:6

Wo asi kapinteran iow itu musti awesan iow i makawoo kumawasa in owak. Wo asi kumawasa in owak itu musti awesan iow ka'i ing katalesenan mengasaru im baya-waya. Wo asi katalesenan mengasaru im baya-waya musti ka'i awesan iow i menonou le'tek a si Amang Kasuruan.

2 Petrus 3:10

Taan kawisa si Apo' Yesus maai sumawel ra'ica wana e makailek ampa'paan Sia maai tanuoka rombit. Wo asi endo itu en langit icatala oka parapiten in erut taténgé keli wo pakasa sé an langit makatunu-tunu oka, taniitu ka'i eng kayo'baan wo pakasa sé an untepna makaka'pu-ka'pu oka.

2 Petrus 3:12

Wo ang karoro'an iow mengento-ngento' in endo itu, musti pengéma-ngémaan iow sé icasalé'-Na wosama' si endo itu maayo mario-rior. Asi endo itu en langit makatunu-tunu wo pakasa sé an langit rumano ampa'paan ing kapaso' in api.