2 Petrus 3:10 - En Taar Weru a nunuwu' é Tontemboan

¹⁰ Taan kawisa si Apo' Yesus maai sumawel ra'ica wana e makailek ampa'paan Sia maai tanuoka rombit. Wo asi endo itu en langit icatala oka parapiten in erut taténgé keli wo pakasa sé an langit makatunu-tunu oka, taniitu ka'i eng kayo'baan wo pakasa sé an untepna makaka'pu-ka'pu oka.

2 Petrus 3:10 ပူးပေါင်းရင်းမြစ်များ

Matius 24:35

En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”

Markus 13:31

En langit wo eng kayo'baan maka'pu oka, taan e nunuwu'-Ku ra'ica maka'pu akar ing kauré-uré.

Lukas 12:39

Taan musti kailekan iow en anio'! Sa kailekan i makawalé en oras i rombit muntep am baléna, tantu em balé itu téiranna wosama' ra'ica untepan é rombit.

Roma 8:20

Ampa'paan pakasa sé niéma' i Amang Kasuruan ang kayo'baan anio' aiwaya-Nao maléwo', akar séra mamuali ra'io wana torona. Séra niéma' in tanu siitu ra'- ica ampa'paan ing kasalé'an éra, taan ampa'paan ing kasalé'an i Amang Kasuruan. Mandé ka'i taniitu, awéan em paarapen anio':

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

1 Korintus 5:5

Isarakano miow si tou itu ang kakawasaan i kikiiten é sétang. Wo in taniitu pendamenna oka eng kawenduan akar sia mape'dis wo em peri léwo'na maka'pu. Anaé, e mu'kurna ro'na malowir asi endo si Casuruan mai makim waya sé tou.

2 Korintus 1:14

Intarépé', mandé kamu ra'ipé' talos makailek andumoro' icami, taan an tutuw i Apo' Yesus maai sumawel, kamu tirayo oka ampa'paan kami taniitu ka'i kami tirayo oka ampa'paan icamu.

1 Tesalonika 5:2

Ampa'paan kailekan iow ra'ica wana tou si uli-ulit makailek kawisa en oras i Apo' Yesus maai sumawel. Sia maai tanuoka si rombit an tutuw im bengi.

1 Tesalonika 5:4

Taan é poo-poow, kamu ra'ica menonou ang kariréimbengan. Ampa'paan in ituo, an oras i Apo' Yesus i maai tanuoka si rombit, kamu ra'ica mangaya'ka'.

2 Petrus 3:11

Anaé, sa em pakasa pakateri-terin oka tanu siitu, tumambisa réén kamu musti menonou intarépé'? Tantu musti menonou le'nas wo le'tek a si Amang Kasuruan.

2 Petrus 3:12

Wo ang karoro'an iow mengento-ngento' in endo itu, musti pengéma-ngémaan iow sé icasalé'-Na wosama' si endo itu maayo mario-rior. Asi endo itu en langit makatunu-tunu wo pakasa sé an langit rumano ampa'paan ing kapaso' in api.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

Yudas 1:6

Taniitu ka'i wo sé malaékat sé lumébéo maké ing kakawasaan si aitantuo ai séra wo itumela'uo im patawoian éra. Séra yuntep asi tampa si uli-ulit riréimbeng, am bitu séra wina'kes i ranté si ra'ica kawukaan akar ing kauré-uré. Séra tinang am bitu akar asi endo pengaakiman en akimen asi endo wangko' itu.

Wahyu 16:15

Icua i Casuruan “Séréno, Yaku maai oka tanu rombit. Pakakamangen sé tou sé tumu'tulo ing katouanna, sia itu puté wo sé tou en tumu'tulo ing karaina wosama' sia ra'ica malawi' kaséréan é tou sa sia metangkol.”

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 21:1

Wo kaséréanku en langit wo eng kayo'baan weru, ampa'paan en langit wo eng kayo'baan kataré aicatalao wo en ta'sic ra'io wana ka'i.

Wahyu 3:3

Pena'né-na'néieno mangé en sususuien si liningao wo tinerimao miow. Émaano mangé en sususuien itu wo mape'diso mangé! Sa kamu ra'ica matéi-téir, Yaku maai oka tanu si rombit. Ra'ica kailekan iow kawisa Aku maai.

Wahyu 6:14

Wo en langit makala'us icatala tanuoka ing gulungan kitap si ginulung, eng kuntu-kuntung wo em pulo-pulou icaéra an tampana.