2 Petrus 2:6 - En Taar Weru a nunuwu' é Tontemboan

⁶ Tanu siitu ka'i si Amang Kasuruan imukum sé tou sé ra'ica makiit ing kasalé'an-Na ang kota Sodom wo Gomora. Eng kota éra niukum-Na in api, akar séra im baya makatunu-tunu. Niéma'-Na taniitu wosama' séra mamuali tata'néi a sé tou sa, sé ra'ica makiit ing kasalé'an-Na.

2 Petrus 2:6 ပူးပေါင်းရင်းမြစ်များ

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

Matius 11:23

Wo kamu sé tou ang Kapernaum, weroten iow réén sapaoka kamu angkaien oka akar an sorga? Ra'ica! Taan taré, itiya'-Na oka kamu a naraka! Sa eng kakaya'kaan si imamualio an uner iow itu niéma'-Ku an Sodom, tantu eng kota itu awéané' akar intarépé'.

Roma 9:29

Wo si nabi Yesaya icumua ka'i andumoro' é tou Israel, “Sa si Amang Kasuruan si Makakawasa ra'ica tumela'u piraan tou asé taranakta, tantu icita im baya makaka'pu-ka'pu pinaté tanu sé tou ang kota Sodom wo eng Gomora.”

1 Korintus 10:11

Pakasa sé mamuali ai séra itu, mééo tuus ai cita. Wo pakasa en itu aipatic e méé tata'néi ai cita. Ampa'paan kita intarépé' menonou an oras imatawio ing kaka'puan ing kayo'baan.

Ibrani 4:11

Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

Yudas 1:15

Wo susur in tou akimen-Na oka wo mukum sé tou mengaéma' ing kamesé-meséaan, ampa'paan pakasa eng kaléwo'- an sé pinengaéma' éra wo pakasa em pakaroma' éra mengawawa' wo mengawuruk i ngaran i Amang Kasuruan.”

Yudas 1:7

Taniitu ka'i eng kota Sodom wo eng Gomora wo sé kota an sangkumna. Sé tou a mangé mbitu mengaéma' sé meputé wo im pinengaéma' é malaékat itu, ampa'paan séra mengabersina wo maéma' ing kasalé'an in owak sé ra'ica loor. Ampa'paan in itu séra makéré in ukuman an api si ra'ica mape'de-pe'del akar ing kauré-uré, en itu mamuali popokéi a sé pakasa in tou.