2 Petrus 2:21 - En Taar Weru a nunuwu' é Tontemboan

²¹ Aweso taré séra itu ra'ica sumangkum ako makailek in sususuien wutul i Amang Kasuruan, wo taré sumangkumo makailek taan ra'ica kiim makiit im perénta-perénta le'nas si aiwéé i Amang Kasuruan ai séra.

2 Petrus 2:21 ပူးပေါင်းရင်းမြစ်များ

Matius 21:32

Ampa'paan an tutuw i Yohanes Mabaptis mai sumusui ai camu tambisa menonou wosama' nianggap wutul i Amang Kasuruan, taan ra'ica pinercaya miow en aicuana. Taan sé matagi im pajak wo sé wéwéné sundal mercaya ai sia. Wo mandé ka'i sinéréo miow sapaoka séra itu mercaya, taan em bewerot iow ra'ica mawalina, kasake' tuu ra'ica pinercaya miow en aicuana.”

Lukas 12:47

Si ata makailek ing kasalé'an i tuangna taan ra'ica matéi-téir wo ra'ica mengaéma' ing kasalé'an i tuangna, sia makéré oka in ukuman si mute-uter.

Yohanes 15:22

Sa Aku ra'ica mai ang kayo'baan wo ra'ica aicua-Ku ai séra en sususuien i Amang Kasuruan, tantu séra ra'ica perlu kumélong Yaku, anaé séra ra'ica iméma' ing kamesé-meséaan. Taan intarépé' Aku ang kayo'baano wo aicua-Kuo en sususuien itu ai séra, taan Aku aicélong érake'. Anaé, ra'ica wana alasan séra kumua sapaoka séra ra'ica méma' ing kamesé-meséaan.

Yohanes 9:41

Isowat i Yesus ai séra, “Sa woo kamu tou wola, kamu ra'ica wana kamesé-meséaan. Taan ampa'paan kamu mengakua kamu ro'na maséré, kamu awéané' kamesé-meséaan.”

Roma 7:12

En ukum Torat itu le'nas, anaé pakasa en atoran an ukum Torat itu le'nas, wutul wo loor.

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

1 Tesalonika 4:2

Kailekano miow sé aisusuio ami ai camu maké ing kawasa i Apo' Yesus.

1 Timotius 6:14

wosama' kiitenmu wutu-wutul pakasa em perénta si aicuaku anio', ra'ica toro icélongmu. Anaé ko ra'ica wana kaséaan akar si Apo' Yesus Kristus maai sumawel.

Ibrani 10:26

Ampa'paan sa kita makaileko in sususuien wutul asi Amang Kasuruan wo kita metutu'ke' taré mengéma-ngéma' ing kamesé-meséaan, ra'io wana ka'i raragés binatang pinokol em patu'bus ing kamesé-meséaan,

Yakobus 4:17

Anaé, sa awéan tou si makaileko tumambisa musti maéma' in loor, taan en itu ra'ica pengaémaanna, sia itu méma'o ing kamesé-meséaan.

2 Petrus 3:2

Icasalé'ku kata'néian iow en taar sé aicuao é nabi le'nas indior wo ka'i mena'né-na'néi em perénta i Apo' Yesus si Lumolowirta, sé aicuao é ruru'du'an-Na ai camu.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.