2 Petrus 2:14 - En Taar Weru a nunuwu' é Tontemboan

¹⁴ Em beren éra masalé' menéré-néré sé wéwéné akar masalé' mengabersina wo ra'ica mengasuut mengaéma' ing kamesé-meséaan. Wo séra matawér sé tou ra'ipé' talos maéman a si Apo' Yesus wosama' icasélé'kow. En até éra itu manaramo menonou ang kalongi'an. Wo séra ituo sé tou kinutuk.

2 Petrus 2:14 ပူးပေါင်းရင်းမြစ်များ

Matius 12:34

Éi camu sé taranak i ula' rumacu-racung, tumambisa kamu ro'na kumua sé andumoro' in loor sa kamu in esa léwo'. Ampa'paan sapa en aicua im ba'ba' lumembo an até owo.

Matius 23:14

Icawangkuro mio' kamu sé makailek wutul in Torat wo sé tou Farisi! Kamu tou punek, ampa'paan pauwaken iow sé wéwéné balu e mandét im balé éra. Wo mengaakal sé tou ang karapi in sombayang lalambotan. Ampa'paan in itu kéréan oka miow en ukuman si uter keli.]

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 5:28

Taan icua-Ku ai camu, sa awéan tuama suméré si wéwéné wo icasalé'nao, si tuama itu mabersinao wo si wéwéné itu an untep in até.

Markus 13:22

Ampa'paan sé mesias ra'ica wutul wo sé nabi ra'ica wutul maai oka sa. Émaan éra oka en tuu-tuus wo eng kakaya'kaan-kakaya'kaan en sumélé'kow sé tou sinisir i Amang Kasuruan.

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

Roma 16:18

Ampa'paan sé tou tanu siitu ra'ica matawoi sumelewir si Kristus Apo'ta, taan séra matawoi asalo makiit ing kasalé'an éra in esa. Séra maroma' mapaké i roroma' matawér wo nunuwu' sé manam palingan, akar séra imuwako sé tou sama' en até.

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

Efesus 2:3

En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

Yakobus 1:8

Ampa'paan si tou marua-rua até, em pakawerotna ra'ica le'tek a si Casuruan, siituo eng katouanna ra'ica elur.

2 Petrus 2:18

Séra menganuwu' mapaké i nunuwu' mengaangkai in owak wo ra'ica wana torona. Wo em pasusui éra ka'i andumoro' ing kasalé'an in owak mabersina en tumawér sumawel sé tou sé ra'ipé' uré icumesot an uner é tou sé mengakiit in sususuien ra'ica wutul itu.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.

2 Petrus 3:16

Si Paulus matic andumoro' in itu am pakasa in suratna. Wo an surat-suratna itu awéan sé ra'ica kaangéan, akar sé tou sé ra'ica makailek andumoro' in itu wo sé tou ra'ica keter em paémanen a si Amang Kasuruan, séra mengasali'si' im peangé-angén i Paulus itu. Taniitu ka'i andumoro' in Taar i Amang Kasuruan ang kitap-kitap walina, pengasali'si' éra. Sé niéma' éra itu makawali séra am papaté éra in esa.

1 Yohanes 2:16

Ampa'paan pakasa sé ang kayo'baan anio', tanumai: kasalé'an in owak sé ra'ica loor, kasalé'an i makéré sapa en sinéré, wo katirayoan ampa'paan keli eng kasiyaan. Pakasa en itu ra'ica asi Amang, taan asi cayo'baan owo.

Yudas 1:11

Icawangkuro mio' séra! Ampa'paan séra kumiito in lalan si suméa' meputé wo in lalan si kiniit i Kain. Séra ka'i mengaéma' ing kamesé-meséaan tanu si Bileam imengaéma' ing kamesé-meséaan si masalé-salé'ke' makéré roit. Wo séra patén ampa'paan masundur si Casuruan kaputé i Korah.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.