2 Petrus 1:5 - En Taar Weru a nunuwu' é Tontemboan

⁵ Ampa'paano in itu, kamu musti rumaméji mauli-ulit e maéman a si Kristus. Wo em paémanen iow itu musti awesan iow ka'i ang karapi menonou ang kaloo-looran. Wo ang katouan iow ang kaloo-looran itu musti awesan iow ka'i ing kapinteran.

2 Petrus 1:5 ပူးပေါင်းရင်းမြစ်များ

Lukas 16:26

Wo ka'i am paawuun ami wo ico, awéan eng kumawu', esa pokal rarem wo welar keli, anaé sé tou am bia'i sé masalé' mio' am bitu kuma'pa sé tou am bitu sé masalé' mai am bia'i ra'ica calewet.’

Lukas 24:21

En ulitna Siao woo si paarapen ami e mai mekar icami tou Israel ang kakawasaan é pemerénta Romawi. Wo tumo'tolai ing kepaté-Na akar asi endo anio', muntepo in telu ngando.

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

Efesus 5:17

Ampa'paan in itu tioo mamuali tou bodok, taan rumaméjio mangé makailek sapa si casalé' i Casuruan.

Filipi 1:9

Wo si anioo en sombayangku, wosama' en upus iow a si Amang Kasuruan wo sé kakélé tou makaawes, wo makaawes ka'i eng kakailekan wutul andumoro' si wisa si wutul wo si wisa si ra'ica wutul,

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

Kolose 1:9

Ampa'paano in itu, tumo'tolai kami luminga andumoro' miow, kami ra'ica mento' menomba-nombayang torona miow. Pekiupusen ami a si Amang Kasuruan wosama' kamu wéan-Na mai ing kapinteran wo ing kakailekan wutul, wosama' sapa sé icasalé'-Na, kailekan iow im butul.

Kolose 2:3

Wo si Kristus ituo e ro'na muka' im pawero-werotenta akar kita ro'na makailek pakasa ing kapinteran asi Amang Kasuruan owo wo makailek sé indior ipaene-enep-Napé'.

Ibrani 11:6

Si tou ra'ica maéman a si Amang Kasuruan, sia ra'ica kawisa mako maarui in até-Na. Si tou mai a si Amang Kasuruan sia musti maéman sapaoka si Amang Kasuruan itu awéan, wo sia musti maéman ka'i sapaoka si Amang Kasuruan méé mai in laasa a sé tou sé uli-ulit mengaéré Sia.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Ibrani 6:11

Icasalé' ami keli sa kamu esa wo si esa mainca-incaya' akar ing kaka'puan ing katouan wosama' kéréan iow sapa em paara-arapen iow itu.

1 Petrus 3:7

Taniitu ka'i kamu é tuama sé awéano penanaan, kamu musti menonou angé wo si penanaanmu ang karapi ing kapinteran asi Kasuruan owo. Eng kaketeran éra itu ra'ica meputé wo icamu wo séra musti pasiriin iow ampa'paan kamu wo iséra puté makéré oka bagéan asi katouan akar ing kauré-uré si wéé oka mai i Amang Kasuruan. Sa kamu menonou tanu siitu ang karapi i penanaan iow, en sombayang iow ra'ica wana en sumémpér.

2 Petrus 1:10

Ampa'paan in ituo é poo-poowku, kamu musti rumaméji tumuru' sapaoka kamu uli-ulit tinowa wo sinisir i Amang Kasuruan kumiit ai Sia. Sa émaan iow pakasa en itu, em paémanen iow a si Kristus makaketer wo ra'ica kawisa kamu lumepok ang kamesé-meséaan.

2 Petrus 1:11

Wo in taniitu kamu wéan-Na oka kaloasan e muntep ang kakolanoan akar ing kauré-uré, siituo eng kakolanoan i Apo' Yesus Kristus wo Lumolowirta.

2 Petrus 3:14

Ampa'paan in ituo é poo-poow sé caupusku, ang karoro'an iow maento-ento' im pakasa itu mamuali, kamu musti rumaméji menonou le'nas wo ra'ica wana kaséaan an dior i Amang Kasuruan wo meeluran ang karapi-Na.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.