2 Petrus 1:17 - En Taar Weru a nunuwu' é Tontemboan

¹⁷ Sinéré amio tumambisa si Yesus makéré i rarayo wo in sisiri' asi Amang Kasuruan owo. An tutuw itu kalingaan ami en suara i Amang Kasuruan si pasiri-siriin wo iparayo-rayo makua ai Sia tana'i, “Si anioo si Toyaang-Ku, si ipaupu-upus-Ku. Siao si mengaarui in até-Ku.”

2 Petrus 1:17 ပူးပေါင်းရင်းမြစ်များ

Matius 12:18

“Séréno, si anioo si Ata-Ku si sinisir-Ku, si caupus-Ku, Sia itu mengaarui in até-Ku. Iwéé-Ku oka e Roh-Ku ai Sia, wo Sia oka eng kumua sapaoka si Amang Kasuruan maai oka makim sé bangsa ra'ica tou Yahudi ang karapi ra'ica mengarapit.

Matius 17:3

Wo kaséréan éra si Musa wo si Elia memaa-maar ang karapi i Yesus.

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Markus 1:11

Wo kalingaano en suara an sorga owo, “Icoo si Toyaang-Ku si caupus-Ku, e méma' in até-Ku arui.”

Markus 9:7

Wo tumumpao mai eng kambung lumoindong iséra. Wo an untep ing kambung itu kalingaan en suara, “Si anioo si Toyaang-Ku, si caupus-Ku, lingano mangé Sia!”

Lukas 10:22

Pakasa aiwééo i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang-Na wo si tou si sinisir-Na em papaturu' a si Amang.”

Lukas 3:22

wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

Yohanes 10:15

meputé si Amang makatuus Yaku wo ka'i si Amang katuusan-Ku. Wo isarakan-Ku en owak-Ku a sé domba-Ku.

Yohanes 10:36

kéitu réén ipakua miow Aku maojat si Amang Kasuruan, tutuw-Ku makua Yaku anio' Toyaang i Amang Kasuruan? Yaku si sinisir-Na wo ayutus-Na mai ang kayo'baan.

Yohanes 14:11

Percayano mai si aicua-Ku, Yaku meesao ang karapi i Amang wo si Amang imeesao wo Yaku. Sa ra'ica percayan iow sé ipakua-Ku, percayano mai Aku ampa'paan sé tawo-tawoien niéma'-Ku.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 17:21

Pekiupusen-Ku a si Amang wosama' séra im baya meesa, kaputé i Amang esa wo Yaku wo Yaku esa wo si Amang wosama' séra ka'i meesa wo Cita. Wo in taniitu, sé tou ang kayo'baan ro'na mercaya sapaoka si Amango e mutusai Yaku.

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Yohanes 3:35

Si Amang mengaupus si Toyaang-Na wo aiwéé-Nao eng kawasa ai Sia e merénta am baya-waya.

Yohanes 5:20

Ampa'paan si Amang mengaupus Yaku Toyaang-Na wo ituru'-Na a Yaku pakasa sé niéma'-Na in esa. Wo ka'i ituru' oka i Amang-Ku a Yaku en tatawoi sé lébé wangko' mai wo sumama' si tou sumakit, akar kamu mangaya'ka'.

Yohanes 5:26

Ampa'paan si Amang-Ku palemboian ing katouan, niéma'-Na ka'i si Toyaang-Na mamuali palemboian ing katouan.

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 6:39

Wo si anioo eng kasalé'an i Amang si mutusai Yaku: Icasalé'-Na pakasa sé tou sé aiwéé-Na a Yaku mandé esake' ra'ica wana en icatala. Wo icasalé'-Na touen-Ku sumawel séra im baya am papaté asi endo kaka'puan ing kayo'baan.

Roma 15:6

Wo in taniitu, kamu ro'na meesa en até wo esa nunuwu' e rumayo wo sumiri' si Amang Kasuruan, Amang i Yesus Kristus Apo'ta.

2 Korintus 1:3

Mayoo kita rumayo si Amang Kasuruan, Amang i Apo'ta Yesus Kristus. Sia itu Amang si wuta ing kaupusan wo Siao si Amang Kasuruan si mengibo-ibor icita.

2 Korintus 11:31

Si Amang Kasuruan, Amang i Apo' Yesus, kailekan-Na aku ra'ica matowo. Irayoo mangé si Amang Kasuruan akar ing kauré-uré.

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

2 Yohanes 1:3

Pangilekenku a si Amang Kasuruan Amangta wo a si Yesus Kristus Toyaang i Amang wosama' tumambérai in upus wo tumuru' ing kaupusan wo ing kaeluran ai cita sé makiit in sususuien wutul wo sé me- upu-upusan.

Yudas 1:1

Siri' a yaku owo, Yudas. Yaku anio' ata i Yesus Kristus si mepoow wo si Yakobus. En surat anio' aicirim a sé tou sé tinowa i Amang Kasuruan sé icaupus-Na keli wo ka'i sé pakatéiran-Na e mamuali tou i Yesus Kristus.