2 Petrus 1:16 - En Taar Weru a nunuwu' é Tontemboan

¹⁶ Aisusuio ami ai camu andumoro' ing kawasa i Apo'ta Yesus Kristus wo andumoro' ka'i Sia maai sumawel. Sapa sé aisusui ami itu ra'ica sisisilen sé asalo niéma' é tou, ampa'paan icamio in esa en suméré ing kawangko'-Na.

2 Petrus 1:16 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 16:28

En ulitna icua-Ku mangé ai camu, an unér é tou sé lumili am bia'i, awéan sé ra'ipé' maté sa ra'ipé' isuméré si Toyaang i Tou maai tanu Kolano ang Kakolanoan-Na.”

Matius 17:1

Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Matius 24:27

Ampa'paan an tutuw si Toyaang i Tou maai sumawel ang kayo'baan, Sia kaséréan tanuoka ing kilat si tumélang tumo'tol an tempok ico akar an tempok ako.

Matius 24:3

Kumawus in itu, si Yesus mangé an Tolaina in Zaitun wo ang karoro'an-Na i makalukut am bitu wo mai sé murit-Na mepaar ang karapi-Na, sérake' in esa. Icua éra, “Guru, icua mai ai cami, kawisa réén en aicua i Guru itu mamuali? Wo sapa réén en tuusna sa si Guru maayo sumawel wo sapa réén en tuusna sa an orasnao in endo kaka'puan ing kayo'baan?”

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Markus 13:26

Asi témpo itu, sérén oka é tou si Toyaang i Tou mai ang kayo'baan pakasaputen ing kambung-kambung. Sia mai ang karapi pakasa ing kawasa wo ing kawangko'-Na.

Markus 14:62

Wo isowat i Yesus, “Yakuo Sia. Kaséréan iow oka si Toyaang i Tou makalukut ang kakan i Makakawasa, wo mai an dangka' ing kambung-kambung an langit.”

Lukas 1:2

Aipatic éra waya en itu meputé wo sé aisisilo é tou sé isuméré in esa ing kamamualian itu tumo'tolai asi kataré-taré wo en Taar i Casuruan itu ipakua-kua éra ka'i a sé tou walina.

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 17:2

Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Roma 1:4

taan sa sérén eng kale'nasan ing katouan-Na, Sia itu Toyaang i Amang Kasuruan. En tuusna an tutuw si Amang Kasuruan maké ing kawasa-Na itumou sumawel Sia an uner é tou imaté. Siao si Yesus Kristus Apo'ta.

1 Korintus 1:17

Ampa'paan aku ra'ica airu'du' i Kristus e mengabaptis taan airu'du'ke' ing kumua in Abar Kaaruien. Wo en Abar Kaaruien ipakuaku itu, ra'ica mapaké ing kapinteranku maroma'. Niéma'ku tanu siitu wosama' eng kawasa im papaté i Kristus ang kayu salip ra'ica mara'i-ra'i.

1 Korintus 1:23

Taan kami anio' asalo makua in abar andumoro' i Kristus si maté ang kayu salip. En abar andumoro' i Kristus itu, asaloke' mamuali watu pasangkilan a sé tou Yahudi, akar séra ra'ica maéman a si Kristus. Wo sé tou ra'ica Yahudi, paweroten éra en abar itu abar ra'ica wana torona.

1 Korintus 1:7

Wo in taniitu sé kamang aitambéro mai i Roh Le'nas ai camu ra'ica maina' mandé esake' ang karoro'an iow maento-ento' si Apo'ta Yesus Kristus maai sumawel.

1 Korintus 2:1

Poo-poowku, indior an tutuwku imai ai camu, ipakuaku andumoro' sé pawasa-wasan i Amang Kasuruan si ra'ipé' kailekan é tou walina. Asi témpo itu, sé pakuaku itu ra'ica mapaké nunuwu' rangka' kuma'pa nunuwu' ing kapinteran in tou.

1 Korintus 2:4

An tutuw aku maroma' wo makua in Abar Kaaruien ai camu, yaku ra'ica mapaké nunuwu' ing kapinteran in tou im percayan iow, taan aku mapercaya a si kawasa i Roh Le'nas.

1 Korintus 5:4

An tutuw iow mali'u-li'- us ang karapi i ngaran i Apo' Yesus, anggapeno mio' aku an unero miow wo eng kawasa i Yesus Apo'ta ang karapi miow am bitu.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

1 Tesalonika 2:19

Kami maangé ai camu, ampa'paan icamuke' e mamuali arapan wo kaaru-aruian ami. Anaé, sa si Yesus Apo'ta itu imayo sumawel tantu kita sumaru Sia wo icamuo itu e mamuali kaaru-aruian ami an dior-Na.

2 Tesalonika 2:9

Wo si tou luméwo-léwo' itu mapaturu' mai maké ing kawasa i kikiiten é sétang wo sia muwak sé tou ang karapi in tumuru' in tuu-tuus kakaya'kaan sé kalinteren wo kala'meren oka mai.

1 Timotius 1:4

Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.

1 Timotius 4:7

Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.

Titus 1:14

Wo péronenio' séra sé mengalinga in sisisilen sé asalo niéma' é tou Yahudi wo péronenio' ka'i séra wosama' ra'ica makiit in atoran-atoran é tou sé mengakélong in sususuien wutul.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.

1 Yohanes 4:14

Wo sinéréo ami in esa wo sinairi ami sa si Amang imutuso si Toyaang-Na mai lumowir ing kayo'baan anio'.

Yudas 1:14

Awéan si taranak kapitu i Adam makangaran Henokh, sia kumua i nunuwu' i Amang Kasuruan andumoro' sé tou itu. Icuana in tana'i, “Si Casuruan maai oka ang karapi é mariwu-riwu malaékat le'nas.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.