2 Korintus 9:6 - En Taar Weru a nunuwu' é Tontemboan

⁶ Wéanio' rékén en anio': Si tou imuras in lulumbo wayake' im pira, tantu en upuunna wayake' im pira. Taan si tou imuras in lulumbo kumeli-keli, tantu en upuunna kumeli-keli.

2 Korintus 9:6 ပူးပေါင်းရင်းမြစ်များ

Lukas 6:38

Mengawééo mangé a sé tou walina wosama' kamu wéan oka ka'i mai i Amang Kasuruan. Ukuren-Na am pengaukuran loor wo ipengéro-ngéro' wo ipemese-meseké' ka'i wo awesan-Napé' akar i mawuta-wuta wo wéé-Na ai cita. Ampa'paan sa kamu mengawéé wayake' im pira a sé tou walina, kamu ka'i wéan oka i Amang Kasuruan waya im pira. Sa kamu mengawéé keli a sé tou walina, kamu ka'i wéan oka i Amang Kasuruan kumeli-keli.”

1 Korintus 1:12

Em peangé-angénku tana'i: Awéan tou an uner iow sé makua, “Yaku makiit si Paulus”, awéan ka'i sé makua, “Yaku makiit si Apolos”, sé walina ka'i makua, “Yaku anio' makiit si Petrus” wo sé walina ka'i makua, “Yaku makiit si Kristus.”

1 Korintus 15:20

Taan en ulitna sapaoka si Kristus tinouo sumawel an uner é tou imatéo. Siao eng kumataré-taré tinou sumawel, taniitu ka'i sé tou maéman sé imatéo, touen oka ka'i sumawel.

1 Korintus 7:29

Poo-poow sé maéman, em paangé-angénku tana'i: Kita ra'io kelian en témpo! Anaé, tumo'tol intarépé' sé tuama makapenanaano, musti méma' tanuoka kéndo' ra'ica wana penanaan.

2 Korintus 9:10

Si Amang Kasuruan en tumu'tul in lulumbo torona i menganguma wo tumu'tul ing kakanen eng kanenta. Taniitu ka'i tu'tulen-Na wo émaan-Na oka makeli en lulumbo miow, wosama' kamu tatap mengéma-ngéma' im butul.

2 Korintus 9:5

Ampa'paan in ituo pawerotenku perlu mutus angé telu poow rumior angé a yaku. Tawangen oka éra kamu en tumu'tul in doit tatawang si aijanjio miow, wosama en doit tatawang itu tinu'tulo an tutuw ami imayo. Wo in taniitu, en doit tatawang iow itu wutu-wutul mamuali wéwéé ang karapi lekep en até wo ra'ica pinalesé'.

Galatia 3:17

Em peangé-angénku tana'i: En janji niéma' i Amang Kasuruan a si Abraham indior pinusé'o an tutuw en ukum Torat ra'ipé' wana. Ampa'paan en ukum Torat niéma' oka asi epat ngaatus telu ngapulu' ngata'un kekawusai in itu. Ampa'paano in itu en janji i Amang Kasuruan a si Abraham ra'ica toro batalen kuma'pa roban in ukum Torat.

Galatia 5:16

Si anioo em peangé-angénku: Kamu musti menonou kumiit ing kasalé'an i Roh Le'nas. Wo in taniitu kamu ra'ica menonou oka kumiit ing kasalé'an in owakmu in esa.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

Kolose 2:4

En itu aicuaku wosama' kamu ra'ica kauwakan i séike' mangé en tumawér icamu ang karapi i nunuwu' manam pengalingan.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.