2 Korintus 9:5 - En Taar Weru a nunuwu' é Tontemboan

⁵ Ampa'paan in ituo pawerotenku perlu mutus angé telu poow rumior angé a yaku. Tawangen oka éra kamu en tumu'tul in doit tatawang si aijanjio miow, wosama en doit tatawang itu tinu'tulo an tutuw ami imayo. Wo in taniitu, en doit tatawang iow itu wutu-wutul mamuali wéwéé ang karapi lekep en até wo ra'ica pinalesé'.

2 Korintus 9:5 ပူးပေါင်းရင်းမြစ်များ

1 Korintus 16:2

Susur in ari Duminggu, kamu si esa wo si esa mengatané mio' roit kiit eng kinéréan i esa wo si esa. Wo yéma' miow sé roit itu wosama' an tutuw aku mai, kamu ra'io sangali ka'i lumi'us roit.

2 Korintus 8:6

Ampa'paan in ituo, linesé' ami si Titus mangé ai camu wo lumekep in sumuun in doit ipatawang anio'. Ampa'paan siao eng kataré tumo'tol in tawoien anio' an uner iow.

2 Korintus 9:3

Intarépé' yutusku si Titus wo sé rua poow itu mangé ai camu, ampa'paan kamu aitirayoo ami ai séra anaé ra'ica kiim ami e rarayo itu mara'i-ra'ike'. Anaé, lébé loor sa kamu tumu'tulo, tanu si aicuao ami ai séra sapaoka kamu wutu-wutul tu'tulo méé in doit tatawang.

2 Korintus 9:6

Wéanio' rékén en anio': Si tou imuras in lulumbo wayake' im pira, tantu en upuunna wayake' im pira. Taan si tou imuras in lulumbo kumeli-keli, tantu en upuunna kumeli-keli.

Filipi 4:17

Icuaku en itu ai camu ra'ica ampa'paan yaku maarap ka'i im patawang iow. Taan en icasalé'ku, kamu tumerima ing kamang lumepe-lepet asi Casuruan ampa'paan kamu sumuuno ing kasiyaan an sorga.