2 Korintus 9:14 - En Taar Weru a nunuwu' é Tontemboan

¹⁴ Wo kamu isombayang wo lelon oka éra, ampa'paan séra isuméré in upus aitambér i Amang Kasuruan si lumepe- lepet ai camu.

2 Korintus 9:14 ပူးပေါင်းရင်းမြစ်များ

Lukas 16:9

Icua-Ku ai camu, pakéno mangé eng kasiyaan ing kayo'baan anio' en tumawang sé tou e makéré karapi, wosama' sa eng kasiyaan iow maka'puo, kamu teriman oka am paento'an an sorga, si ento'an iow akar ing kauré-uré.

Roma 1:11

Ampa'paan icasalé'ku keli meta'up wo icamu wo méé ing kamang si pasusui i Roh i Amang Kasuruan a yaku, wosama' em paémanen iow makakete-keter.

2 Korintus 1:11

Pekiupusen ami ai camu atasanai in sombayang wosama' si Amang Kasuruan tumawang icami. Wo in taniitu sowaten i Amang Kasuruan en somba-sombayang akar keli en tou kumua makapulu'sama' a si Amang Kasuruan ampa'paan ing kamang sé tinerima ami wo ampa'paan in sombayang é tou keli.

2 Korintus 8:1

Poo-poow, icasalé' ami kailekan iow andumoro' tambisa en upus aitambér i Amang Kasuruan a sé jamaat a Makedonia.

2 Korintus 9:13

Wo asi kasamaan in até sé aituru' miow itu, kelian oka en tou an Yerusalem rumayo si Amang Kasuruan ampa'paan séra isumeréo icamu wutu-wutul menonou makiit wutul in Abar Kaaruien andumoro' i Yesus Kristus. Wo ka'i séra rumayo si Amang Kasuruan ampa'paan kamu wutul lekep en até mawéé in tatawang ai séra wo a sé pakasa in tou walina.

2 Korintus 9:15

Mayoo kita kumua i makapulu'sama' a si Amang Kasuruan ampa'paan ra'io icakua en aiwéé-Na itu.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 2:26

Icasalé'ku sia yutus angé sumawel, ampa'paan icamu im baya lelonna keli wo en aténa ka'i mendam in susa ampa'paan pinalingao miow sapaoka sia sumakit.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

1 Timotius 1:14

Wopé'ka'i, si Casuruanta tumambéro mai ing kamang si lumébé-lébéo a yaku. Niéma'-Na ka'i aku akar makawoo maéman a si Kristus wo ka'i ro'na mengaupus sé tou walina.