2 Korintus 9:11 - En Taar Weru a nunuwu' é Tontemboan

¹¹ Wo in taniitu émaan-Na oka kamu masiya' am baya-waya akar kamu meméé-méé ang karapi in lekep en até. Wo sé peméé-méé miow méma' oka keli en tou an Yerusalem kumua i makapulu'sama' a si Amang Kasuruan an tutuw ami maali mangé si aiwéé miow itu ai séra.

2 Korintus 9:11 ပူးပေါင်းရင်းမြစ်များ

Matius 20:15

Si séi e méro yaku e maké in doitku in esa kumiit ing kasalé'anku? Kuma'pa panganatenmu réén ampa'paan aku tumuru' ing kalooranku a sé tou anio'?’

Matius 25:17

Taniitu ka'i si ata tinokéana rua talenta. Sia ka'i mangé mangkér, wo en untungna ka'i rua talenta.

Roma 12:8

Sa eng kamang aitambér i Amang Kasuruan ai cita e masina'u sé tou walina wosama' em paémanen éra makaketer, tawoieno mangé en itu ang karapi i mauli-ulit. Sa eng kamang aitambér i Amang Kasuruan ai cita e mamuali tou masalé' mengawéténg ing kasiyaan a sé kakélé tou, musti émaanta en itu ang karapi in lekep en até. Sa eng kamang aitambér i Amang Kasuruan ai cita mamuali kikiiten, kita ka'i musti mamuali kikiiten si re'dem. Wo sa eng kamang aitambér i Amang Kasuruan ai cita e mengaturu' ing kaupusan a sé tou walina sé sumangkumai ing kawenduan, musti émaanta en itu ang karapi in arui en até.

1 Korintus 1:5

Ampa'paan kamu mamualio anu i Kristus, akar kamu imasiya'o am baya-waya tanu mai sé anio': makawoo maroma' i nunuwu' loor wo kelian eng kailekan andumoro' im paémanen a si Kristus.

2 Korintus 1:11

Pekiupusen ami ai camu atasanai in sombayang wosama' si Amang Kasuruan tumawang icami. Wo in taniitu sowaten i Amang Kasuruan en somba-sombayang akar keli en tou kumua makapulu'sama' a si Amang Kasuruan ampa'paan ing kamang sé tinerima ami wo ampa'paan in sombayang é tou keli.

2 Korintus 4:15

Icami mendamo mai waya ing kawenduan itu asaloke' ing kalooran iow. Icami talesen masaru ing kawenduan itu wosama' en upus aitambér i Amang Kasuruan makakeli en tou imendam. Wo in taniitu makakelio sé tou makua i makapulu'sama' a si Amang Kasuruan, akar Sia iparayo-rayo wo pasiri-siriin.

2 Korintus 8:16

Icua ami makapulu'sama' a si Amang Kasuruan, ampa'paan an até i Titus winéan-Nao mai ing kasalé'an wangko' en tumawang icamu, an até i Titus meputé wo si an até ami.

2 Korintus 8:19

Wo ra'ica siituke', si poowta itu ka'i aituru'o é jamaat eng kumarapi icami an tutuw ami maali in doit ipatawang an Yerusalem. Kami maarap en doit ipatawang itu e mamuali rarayo wo in sisiri' a si Amang Kasuruan wo ka'i mamuali tuus sapaoka kami uli-ulit masalé' tumawang.

2 Korintus 9:12

Ampa'paan en tatawang si aiwéé miow anio' ra'ica asalo mawes sé imaina' asé tou le'nas, taan méma' oka keli en tou kumua i makapulu'sama' a si Amang Kasuruan.