2 Korintus 8:9 - En Taar Weru a nunuwu' é Tontemboan

⁹ Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

2 Korintus 8:9 ပူးပေါင်းရင်းမြစ်များ

Matius 17:27

Taniitu ka'i wo icita, kita ro'nake' ra'ica mér im pajak im Balé Le'nas. Taan, wosama' kita ra'ica mamuali watu pasangkilan é tou matagi im pajak im Balé Le'nas, aweso taré ko mangéo mesi sera' an lour, si sera' kataré pinesimu, indonmu wo wukaan em ba'ba'na wo kaséréanmu oka roit epat dirham. Indono mio' en doit itu wo mangéo iwéé a sé tou matagi im pajak em bér im pajakta in dua.”

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Markus 6:3

Ra'ica réén Sia bas ing kayu, toyaang i Maria, mepoow wo si Yakobus, si Yoses, wo si Yudas wo si Simon? Wo ra'ica réén sé poo-poow-Na wéwéné mewali-wali wo icita am bia'i?” Wo icélong éra Sia.

Lukas 16:11

Anaé, sa kamu ra'ica toro pengatokéan ing kasiyaan ing kayo'baan, si séi en tumoké ai camu ing kasiyaan wutul an sorga?

Lukas 2:7

Wo sia makéré esa toyaang tuama, toyaangna luluna. Wo si toyaang itu saputenna ing kaéng, itekelna am pawa'uban é binatang ampa'paan séra ra'ica imakéré walé in loséran.

Lukas 8:3

Wo awéan ka'i si wéwéné makangaran Yohana penanaan i Khuza. Si Khuza anio', kikiiten mengaurus in doit i colano Herodes. Wo awéan ka'i si Susana wo keli sé wéwéné walina. Séra mengaselewir a si Yesus wo sé murit-Na mapaké ing kasiyaan éra.

Lukas 9:58

Isowat i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Yohanes 1:10

Sia si patuulen sendot ang kayo'baano. Eng kayo'baan niéma' ampa'paan Sia, taan sé tou ang kayo'baan ra'ica makatuus Sia.

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 12:30

Wo icua i Yesus, “En suara itu aicua torona miow, ra'ica torona-Ku.

Yohanes 16:15

Pakasa sé anu i Amang, anu-Ku ka'i. Ampa'paan in ituo icua-Ku mangé ai camu, sapa sé tinerima-Na a Yaku siituo en icua-Na oka ai camu.”

Yohanes 17:19

Wo isarakan-Ku eng katouan le'nas-Ku en sumelewir si Amang. Niéma'-Ku en itu torona ing kalooran éra, wosama' séra ka'i ro'na sumarakan in owak en sumelewir si Amang kumiit in sususuien wutul-Mu.

Roma 11:12

Anaé, ampa'paano ing kameséaan é tou Israel, eng kasiwakana sé bangsa walina makéré ing kamang asi Amang Kasuruan owo. Lébé-lébépé' ka'i sa sé bangsa Israel itu meelurano sumawel wo Sia, sé bangsa walina tantu makéré oka ing kamang ilumébé-lébé mai ai Sia.

Roma 15:3

Ampa'paan si Kristus ka'i ra'ica mangéré-ngéré ing kaaruian in owak-Na in esa. Ang Kitap Le'nas aipatic in tana'i, “Nunuwu' iparoros é tou an tutuw séra mengaroros si Amang Kasuruan, intarépé' itumenao a Yaku.”

Roma 5:8

Taan si Kristus imatéo torona icita an tutuw kita mengaéma'pé' ing kamesé-meséaan. En itu itumuru'o sapaoka eng kaupusan i Amang Kasuruan ai cita uli-ulit wangko'.

Roma 8:32

Si Toyaang-Na in esa ra'ica pena-nangen-Na en sumangkum ing kawenduan taan aisarakan-Na torona kita im baya. Sa taniitu, tantu iwéé-Na oka ai cita em baya-waya mewali-wali wo Sia.

1 Korintus 1:4

Yaku mengua-ngua i makapulu'sama' a si Amang Kasuruan ampa'paan Sia tumambéro mai ing kamang ai camu sé meesao wo si Kristus Yesus.

1 Korintus 15:47

Si tou kataré-taré niéma' an tana' owo. Taan si Kristus si tou karua, Sia itu a mangé en sorga owo.

2 Korintus 6:10

Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

Efesus 2:7

Niéma' i Amang Kasuruan pakasa en itu wosama' asi témpo maai sa, ituru'-Na oka eng kawangko' in upus-Na si mawuta-wuta kiit ing kasamaan-Na ai cita sé meesao ang karapi i Kristus Yesus.

Efesus 3:19

Pekiupusenku, ro'na kaangéan iow en upus i Kristus itu, mandé ka'i en upus-Na itu ra'ica kaangéan. Wo in taniitu em peri-peri i Amang Kasuruan wutan oka ang katouan iow.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

Ibrani 1:2

Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.